कुरकुंभ : दौंड तालुक्यातील कुरकुंभ औद्योगिक वसाहतीतील स्नेहा अॅन्टीबायोटिक या बंद असलेल्या कंपनीच्या कंपाऊंडच्या आतील गवताला अचानक आग लागली. ही घटना रविवारी ( ता. 14 ) दुपारी एकच्या सुमारास घडली. वसाहतीत केमिकल कंपन्यांची संख्या जास्त असल्याने आगीचा धोका अधिक संभवतो. मात्र सुदैवाने अग्निशामक दलाला आग विझविण्यात यश आल्याने धोका टळला.
कुरकुंभ औद्योगिक वसाहतीतील स्नेहा अॅन्टीबायोटिक ही कंपनी बंद असून त्यामध्ये कोणतीही यंत्रसामुग्री, कच्च्या व पक्या मालाचा साठा नव्हता. मात्र कंपनीला गेट नसल्याने परिसरात अनेक जण जनावरे चारण्यासाठी जातात. परिसरात पेटती काडी किंवा शिगारेट टाकल्याने गवताला आग लागण्याची शक्यता व्यक्त होत आहे. आगीत कंपनी कंपाऊंडमधील गवत व कचरा जळून खाक झाला. मात्र ही आग विझविण्यात अग्निशामक दलाला यश आल्याने वसाहतीत आगीची व्याप्ती वाढण्याचा धोका टळला.
वसाहतीतील बंद व उत्पादन चालू असणाऱ्या कंपन्यांमधील केमिकल साठयांना उन्हाळ्यात वाढत्या तापमानामुळे आग लागण्याच्या अनेक घटना यापूर्वी घडल्या आहेत. त्यामुळे अशा घटना घडू नये यासाठी बंद व चालू कंपन्यांमधील केमिकल साठयांचे तपासणी करून सुरक्षेच्यादृष्टीने औद्योगिक सुरक्षा विभागाने सुचना कंपनी व्यवस्थापकांना द्याव्यात अशी मागणी नागरिकांकडून होत आहे.
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.