सासवड (पुणे) - पुरंदर तालुक्यातील सासवड शहरात एक 70 वर्षीय ज्येष्ठ महिलेचा  कोरोनाने मृत्यू झाल्यापाठोपाठ आज एकाच दिवसात सासवडमधील तब्बल पाच जण कोरोना पाॅझीटिव्ह सापडले आहेत. एकट्या सासवडची रुग्ण संख्या त्यामुळे तब्बल 10 वर आणि तालुक्यातील एकुण रुग्ण संख्या 26 वर पोचली आहे. पुण्याजवळ सासवड असल्याने व रोज शेकडो लोक ये-  जा करीत असल्याने सासवड शहरातील संसर्ग रोखणे; हे एक आव्हान होऊन बसणार असल्याची स्पष्ट चिन्हे आहेत.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

याबाबत तहसीलदार रुपाली सरनोबत यांनी माहिती दिली की; आज सासवडच्या ज्येष्ठ महिलेचा कोरोनाने मृत्यू झाला, तर नवे पाचजण पाॅझीटिव्ह रुग्ण सापडले. त्यातील चारजण मंडई भागातील मृत महिलेच्या हाय रिस्क संपर्कातील आहेत. गावठाणात दुकान असलेला एक कापड व्यावसायिक सोनोरी रोडला राहणारा पाॅझीटिव्ह रुग्ण ठरला आहे. त्यातूनच पुरंदर तालुक्यातील कोरोनाबाधीत मृतांची संख्या तीन झाली आहे. तर तालुक्यातील एकुण रुग्ण संख्या 26 आणि सासवड 10 वर पोचले आहे.

आत्महत्या का घडतात? काय आहेत करणे वाचा सविस्तर

पुरंदर तालुक्यातील एकुण रुग्ण संख्या मागिल चार दिवसांपूर्वीच 18  होती; ती आज 26 वर पोचली. यातील 15 रुग्ण केवळ या दिड आठवड्यात सापडले. म्हणजे संसर्गाचा वेग येथेही वाढला. ही चिंताजनक बाब प्रशासन व नागरीकांना शिस्त शिकविणारी नक्कीच आहे; असे  जाणकारांनी स्पष्ट बोलून दाखविले. 26 रुग्णांमधून तीन मृत्यू व 15 जण उपचारात वा देखरेखीत आहेत. आठजण बरे झाले आहेत.  मुंबई व पुणे कनेक्शनमधून बहुतेक कोरोनाबाधीत रुग्णांची बेरीज वाढली आहे. त्यातूनच पुरंदरची धाकधूक दिवसेंदिवस वाढत आहे. अजूनपर्यंत हे मुंबई व पुण्याचे जाणे येणे थांबले नाही. त्यातूनच संसर्ग वाढण्यास वातावरण पोषक आहे. प्रशासनामार्फत काही नियंत्रण न आणल्यास बाब गंभीर होण्याची शक्यता आहे.

सीमेवर २० जवान कशासाठी शहीद झाले? याचे उत्तर द्या; आपचा केंद्र सरकारला सवाल!