मार्केट यार्ड : गुलटेकडी मार्केट यार्डातील फुल बाजार शनिवार (ता. 25) पासून सुरू होणर आहे. तर, गुळ-भुसार विभाग सकाळी 9 ते सायंकाळी 5 या वेळेत, फळ-भाजीपाला विभाग पहाटे 4.30 ते दुपारी 12 या वेळेत खरेदी विक्रीचे व्यवहार चालणार असल्याची माहिती कृषी उत्पन्न बाजार समितीचे प्रशासक बी.जे.देशमुख यांनी दिली.

पुण्याच्या इतर बातम्या वाचण्यासाठी येथे क्लिक करा

 देशमुख म्हणाले, पुढील आदेश येईपर्यंत भुसार बाजारातील कामकाजाची वेळ हीच राहणार आहे.बाजारात किरकोळ खरेदीसाठी परवानगी देण्यात येणार नाही. घाऊक स्वरुपात भाजीपाला खरेदी करणाऱ्या किरकोळ विक्रेत्यांना प्रवेश देण्यात येणार आहे. संसर्गाला अटकाव घालण्यासाठी पुरेशी काळजी घेण्याची सूचना बाजार आवारातील घटकांना करण्यात आली आहे.

आता शुभमंगल सावधान म्हणा वीस लोकांमध्येच

भुसार बाजारात येणारी अन्नधान्याची वाहने सायंकाळी 5 वाजेपर्यंत रिकामी करून घेण्यात यावीत. सायंकाळी 5 नंतर व्यवहार बंद ठेवावेत. भुसार बाजारात खरेदीसाठी आलेल्या प्रत्येकाने काळजी घेणे आवश्‍यक असून ग्राहकांना रांगेत थांबण्यास सांगण्यात यावे. रांग लावताना दोन व्यक्तींमध्ये किमान 3 ते 4 फुटांचे अंतर असावे. एखाद्या दुकानात गर्दी झाल्याचे आढळून आल्यास दुकान त्वरीत बंद करून कारवाई करण्यात येईल असे देशमुख यांनी सांगितले.

(Edited by : Sagar Diliprao Shelar)