सातगाव पठार (पुणे) : आंबेगाव तालुक्यातील पेठ येथील एकाच कुटुंबातील चार रूग्णांचे कोरोना रिपोर्ट आज पॉझिटिव्ह आले असल्याची माहिती तालुका आरोग्य अधिकारी डॉ. सुरेश ढेकळे यांनी दिली. त्यामुळे आज सापडलेले 4 रूग्ण व मागील सापडलेले 2 रूग्ण, असे मिळून आता पेठमध्ये कोरोनाबाधितांची संख्या 6 झाल्याने पेठ व परिसरातील सातगाव पठार भागातील सर्वच गावांमध्ये चिंतेचे वातावरण तयार झाले आहे.

कोरोनाला हरविण्यासाठी काय पण, बारामतीत आजोबांकडून रक्तदान  

पेठ येथे 29 मे रोजी 2 रूग्णांचे कोरोना अहवाल पॉझिटिव्ह आले होते. त्यामुळे प्रशासनाने पॉझिटिव्ह सापडलेल्या रूग्णांच्या घराशेजारीच मुंबई येथून आलेल्या एकाच कुटुंबातील 4 व्यक्तींना तपासणीसाठी पुणे येथे पाठविले. यात तीन महिला व एका पुरूषाचा समावेश होता. यातील सर्वांचे रिपोर्ट कोरोना पॉझिटिव्ह असल्याचे समोर आले आहे.

पुण्याच्या इतर बातम्या वाचण्यासाठी येथे क्लिक करा

पेठ येथे मागील आठवड्यात दोन कोरोनाबाधित रूग्ण व आज एकाच दिवशी 4 व्यक्ती कोरोनाबधित सापडल्याने आता एकूण कोरोनाबाधितांची संख्या 6 झाली आहे. त्यामुळे पेठ व परीसरातील सातगाव पठार भागातील सर्वच गावांतील नागरिकांच्या चिंतेत भरच पडली आहे. त्यामुळे आता पेठवासीयांनी खूपच खबरदारी पाळणे गरजेचे झाले आहे.

शिरूरमध्ये वडिल व मुलाचा विजेचा धक्क्याने मृत्यू  

ज्यावेळी पहिले दोन रूग्ण सापडले, त्याचवेळी पेठ गाव संपूर्णतः 14 दिवसांसाठी बंद करण्यात आलेले आहे. गावातील बँका, दूध डेअरी पूर्णतः बंद असून, सर्वच दुकाने देखील बंद ठेवण्यात आलेली आहेत. सर्व नागरिकांना घरातच थांबण्याच्या सूचना ग्रामपंचायतीच्या वतीने देण्यात आलेल्या आहेत. मात्र, तरीही जे नागरीक विनाकारण घराबाहेर पडत असतील, त्यांच्यावर तत्काळ गुन्हा दाखल करण्यात येईल, असे गाव कामगावर तलाठी हेमंत भागवत यांनी सांगितले. 

आदिवासी महिलांच्या चेहऱ्यावरील हसू सांगतय, डोक्यावरील हंडा उतरल्याचे सुख

तालुक्यात 29 पॉझिटिव्ह
आंबेगाव तालुक्यात काल गिरवली येथे एक कोरानाबाधित रूग्ण आढळला असून, तालुक्यातील पेठ येथे आज सापडलेल्या 4 कोरानाबाधितांची संख्या धरून आता तालुक्यात एकूण कोरोनाबधितांची संख्या 32 झाली आहे. यातील 3 रूग्णांना सोडण्यात आले असून, आता कोरोनाबाधीत उपचार घेत असलेल्यांची संख्या 29 असल्याचे तहसीलदार रमा जोशी यांनी सांगीतले.