पुणे : पेटीएम ऍप अपडेट करायचे असल्याचे सांगत सायबर चोरट्यांनी कोथरूड भागातील ज्येष्ठ नागरिकाच्या बॅंक खात्यातून तीन लाख 75 हजार 25 रुपये लांबविल्याचे उघडकीस आले आहे. या बाबत ज्येष्ठ नागरिकाने कोथरूड पोलिस ठाण्यात फिर्याद दिली.

दिघीत रिक्षा टेम्पोच्या धडकेत वृद्ध पादचारी ठार

संबंधित ज्येष्ठाच्या मोबाईलवर गेल्या महिन्यात अज्ञाताने फोन केला. तुमचे पेटीएम ऍप अद्ययावत करायचे आहे. तातडीने माहिती न दिल्यास ऍप बंद पडेल, अशी भीती कॉल करणाऱ्या व्यक्तीने त्यांना दाखवली. त्यानंतर फिर्यादी यांना बोलण्यात गुंतवत त्यांच्या बॅंक खात्याची गोपनीय माहिती चोरट्याने लांबविली. त्यानंतर या माहितीचा गैरवापर करून चोरट्याने त्यांच्या बॅंक खात्यातून पैसे काढून घेतले. फसवणूक झाल्याचे निदर्शनास आल्यानंतर त्यांनी सायबर पोलिस ठाण्यात तक्रार अर्ज दिला. तक्रार अर्जानुसार गुन्हा दाखल करण्यात आला असून गुन्हे शाखेचे पोलिस निरीक्षक किरण बालवडकर तपास करीत आहेत.

बहिणीशी फोनवर बोलला म्हणून 'त्याला'...

पेटीएम ऍप अद्ययावत करण्याची बतावणी करून फसवणूक केल्याप्रकरणी पुणे पोलिसांच्या सायबर पोलिस ठाण्यात गेल्या दीड महिन्यात 157 तक्रारी दाखल झाल्या आहेत. चोरट्यांनी बतावणी करून आत्तापर्यंत लाखो रुपये ऑनलाइन पद्धतीने चोरल्याचे पुढे आले आहे. पेटीएम अपडेट करायचे असून माहितीसाठी त्वरित नमूद क्रमांकावर संपर्क साधावा, असे मेसेज ऍप वापरत असलेल्यांच्या मोबाईलवर पाठवले जात आहे. अशा प्रकारच्या संदेशाला प्रतिसाद दिल्यास फसवणूक होण्याची शक्‍यता असून मोबाईलधारकांनी अशा संदेशांवर विश्वास ठेवू नये. तसेच एनी डेस्क, टिम व्ह्‌यूअर, क्विक सपोर्ट यासारखे मोबाईल ऍप डाऊनलोड करू नये, असे आवाहन सायबर पोलिसांकडून करण्यात आले आहे.

नाशिक महामार्गावर चुकीच्या दिशेने 'बाईक' आली अन्...