कोथरूड (पुणे) : कोथरूड पोलिस ठाण्याजवळ असलेल्या टप-यांना पहाटे तीन वाजता आग लागली. या घटनेत चार टप-या व एका रीक्षाचे नुकसान झाले. अग्निशमन दलाच्या जवानांनी तातडीने आग विझवल्याने मोठी दुर्घटना टळली.
प्रविण बुरटे यांची गॅस दुरूस्तीची टपरी आहे. या टपरीतील सात सिलेंडरचा स्फोट झाला. शेजारी वसुंधरा शिंदे यांचे बॅग दुरूस्ती व आत्माराम घारे यांचे फुलाचे दुकान , व मच्छिंद्रनाथ फलटणकर यांचे जुन्या बॅग दुरूस्तीचे दुकान आहे. यातील बॅगांनी पेट घेतल्याने आग आणखी भडकली. या टप-यांजवळ कैलास नलवडे यांची सीएनजी रिक्षा होती. त्यांनी जीवाची पर्वा न करता रीक्षा बाजूला काढली. यामध्ये त्यांना थोडे भाजले मात्र रिक्षाचे हुड काही प्रमाणात जळाले. आगीचे नेमके कारण समजले नसले तरी गॅसच्या टाक्यांचा स्फोट होऊन ही आग लागल्याचा प्राथमिक अंदाज आहे. कोथरूड पोलिस अधिक तपास करत आहेत.
शेतीविकासासाठी पुणे झेडपी घेणार बारामतीच्या या संस्थेची मदत
पौडरस्त्यावर वडाच्या झाडाखाली या टप-या आहेत. सिलेंडरचा स्फोट झाला तरी झाडाच्या फांद्यामुळे टाक्या दूर उडाल्या नाहीत. टपरी जवळच्या घरातील गॅस सिलिंडर लांब नेले. अग्निशमन दलाचे जवान, पोलिस यांनी शर्थीचे प्रयत्न करून आग नियंत्रणात आणली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.