पुणे : दारु पिऊन गोंधळ घातल्याचा जाब विचाऱ्याच्या कारणावरुन टोळक्‍याने भरदिवसा गॅरेज व्यावसायिकांना लोखंडी सळई, लाकडी दांडके व बाटल्यांनी जबर मारहाण केली. हा प्रकार बुधवारी दुपारी साडे बारा वाजण्याच्या सुमारास गणेशखिंड रस्त्यावरील ईस्क्वेअर चित्रपटगृहाजवळ घडला. याप्रकरणी चतुःश्रृंगी पोलिसांनी सहा जणांना अटक केली आहे. 

ताज्या बातम्यांसाठी डाऊनलोड करा ई-सकाळचे ऍप

रशिद शेख (वय 51, रा.गोखलेनगर), रमेश मारणी असे जखमी झालेल्यांची नावे आहेत. याप्रकरणी शेख यांनी फिर्याद दिली आहे. सहाय्यक पोलिस निरीक्षक डि.एस. शिंदे यांनी दिलेल्या माहितीनुसार, फिर्यादी शेख यांचे ईस्क्वेअरजवळील श्री सेवा पेट्रोल पंपाजवळ गॅरेज आहे.

आझम खान यांना न्यायालयाचा दणका! पत्नी आणि मुलासह तुरुंगात

बुधवारी दुपारी साडे बारा वाजता फिर्यादी व त्यांचे मित्र मारणी असे दोघेजण फिर्यादीच्या गॅरेजमध्ये बोलत बसले होते. त्यांच्या गॅरेजजवळच असलेल्या दुसऱ्या गॅरेजमधील मोकळ्या टेबलावर त्यांच्या ओळखीचे तिघेजण व अन्य आठ ते दहा जण मद्यपान करीत होते. दारु पिऊन ते मोठ्या प्रमाणात गोंधळ घालत होते. त्यामुळे फिर्यादी व मारणी यांनी त्यांचे नातेवाईक सतीश धोत्रे यांना हा प्रकार सांगितला. त्यानंतर धोत्रे यांनी संबंधीत ठिकाणी येऊन त्यांना हाकलून लावले. त्याचा राग आल्याने आरोपींनी फिर्यादी व मारणी यांना लोखंडी सळई, बिअरच्या बाटल्या लाकडी दांडक्‍याने जबर मारहाण केली. या घटनेमध्ये दोघेही गंभीर जखमी झाले.या घटनेनंतर पोलिसांनी सहा जणांना अटक केली.