जुन्नर : कोरोनामुळे गणेशोत्सव व मोहरम निमित्ताने निघणाऱ्या मिरवणुकांना यंदा परवानगी मिळणार नसल्याचे पुणे ग्रामीण पोलीस अधीक्षक संदीप पाटील यांनी येथे सांगितले.

खडकवासला धरणातून पुन्हा विसर्ग वाढवला

गणेशोत्सव व मोहरम निमित्ताने आयोजित शांतता कमिटीच्या बैठकीत ते बोलत होते. यावेळी प्रभारी जिल्हाधिकारी आयुष प्रसाद, आमदार अतुल बेनके, नगराध्यक्ष श्याम पांडे , तहसीलदार हनुमंत कोळेकर, पोलीस उपअधीक्षक दीपाली खन्ना यांच्यासह शांतता समिती सदस्य, गणेश मंडळांचे पदाधिकारी व हिंदू - मुस्लिम समाज बांधव उपस्थित होते.

पाटील म्हणाले, गणपती आगमन व विसर्जन, दररोजची आरती यासाठी फक्त पाच कार्यकर्त्यांना परवानगी आहे. नियमांचे पालन न करणाऱ्यांवर कायदेशीर कारवाई होणार आहे.  कोरोनामुळे  आर्थिक संकटातील खऱ्या गरजूंना गणेश मंडळांनी मदत करावी. 

आयुष प्रसाद म्हणाले, सद्य स्थितीत एक गाव एक गणपती याचा विचार गांभीर्याने होणे आवश्यक आहे. एकमेकांशी स्पर्धा न करता एकत्रितपणे तसेच एकोप्याने सण-उत्सव  साजरे करण्याचे आवाहन त्यांनी केले.

छोट्या आकाराचा सुखकर्ता ठरले मोठ्या आकाराचा विघ्नहर्ता 

अतुल बेनके म्हणाले,  नागरिकांच्या आरोग्यासाठी  यावेळी सण-उत्सव सार्वजनिक पणे साजरे करू नयेत. सुमारे ३६ वर्षानंतर  गणेशोत्सव व मोहरम हे एकत्र येत आहेत. हिंदू व मुस्लिम समाजाचे  प्रशासनास सर्व सहकार्य राहील. रोज होणाऱ्या गर्दीवर नियंत्रण ठेवण्यात यावे आदी सूचना या बैठकीत नगरसेवक फिरोज पठाण, भाऊ कुंभार, गणेश इंगवले, मधुकर काजळे, नंदकुमार तांबोळी, दीपक परदेशी यांनी केल्या. प्रास्ताविक दीपाली खन्ना यांनी केले, सूत्रसंचालन विलास कडलाक यांनी केले. पोलीस निरीक्षक युवराज मोहिते यांनी आभार मानले.

(Edited by : Sagar Diliprao Shelar)