आळंदी (पुणे) : आळंदी पालिकेचे मुख्याधिकारी बदलले, मात्र शहरातील कचऱ्याची समस्या काही मिटली नाही. सोबत निर्ढावलेले ठेकेदार आणि डोळ्यावर कातडे ओढून फिरणाऱ्या पदाधिकाऱ्यांमुळे रस्त्यावर कचऱ्याचे ढिग साठूनही वेळेत न उचलल्याने आरोग्याची समस्या निर्माण झाली आहे.

पुण्यात आज पावसाचा इशारा

आळंदी पालिका म्हणजे खर्च वारेमाप आणि सुविधा मर्यादित, असे समिकरण आहे. लोकप्रतिनिधी एकमेकांवर कोण किती खातोय, यावर लक्ष ठेवून आहेत. कचरा उचलण्यासाठी आणि कचरा विलग करून टाका, असे सांगण्यासाठी वेगवेगळे ठेकेदार पालिकेने नेमले. मात्र, सध्या कचरा विलग करून टाका, असे सांगण्यासाठी ठेकेदाराचे कर्मचारीच येत नाहीत. तर, कचरा उचलण्यासाठी ठेकेदार नेमका कोण आहे हे, अद्याप आळंदीकरांनाच काय पण काही नगरसेवकांनाही माहित नाही. तरिही शहरात रस्त्यावर कचरा साठला, तर त्या विरोधात पालिकेत कोणी आवाज उठवत नाही. एकाच कामासाठी नेमलेल्या दोन ठेकेदारांना दिल्या जाणाऱ्या बिलाबाबत कोणीही चकार शब्द काढत नाहीत. 

पुरंदर विमानतळाच्या निर्णयाच्या टेकआॅफविनाच बैठक

शहरात गेल्या चार- पाच दिवसांपासून रस्त्यावर कचऱ्याचे ढिग पडून आहे. प्लॅस्टिक बंदीचा निर्णय कागदावरच आहे. पालिकेकडून अद्याप कडक मोहिम नाही. कचऱ्याच्या ढिगातील प्लॅस्टिकचे प्रमाणच जादा असल्याचे चित्र आहे. जिकडे चहापाणी मिळेल, तिकडे घंटागाड्या वारंवार पळतात. शहरातील कचरा उचला नाही तरी चालेल, पण लगतच्या ग्रामपंचायतीतील सोसायटीमधील कचरा मात्र इमाने इतबारे उचलला जातो. पदाधिकारी आपला वाॅर्ड स्वच्छ असला पाहिजे, यावरही लक्ष ठेवत नाहीत. मुख्य रस्त्यावरिल कचऱ्याचे ढिग पाहून त्यांना काहीच देणे घेणे नाही असेच वागतात. आजपर्यंतचे मुख्याधिकाऱ्यांनी गेल्या चार वर्षात शहरातून कधीही सकळाचा फेरफटका मारला नाही. अनेक कर्मचारी कागदावरच काम करत असल्याचे चित्र आहे. याशिवाय आळंदी देवस्थानने पालिकेला दिलेल्या जागेत कचरा प्रकल्पाचे तीनतेरा वाजले. खर्च मात्र कोटीचा घरात आहे. घंटागाड्याची स्वच्छता सोडा, टायरही गायब केल्याचे चित्र आहे.

पुण्याच्या इतर बातम्या वाचण्यासाठी येथे क्लिक करा 

जुने मु्ख्याधिकारी बदलून नविन आले. मात्र, रस्त्यावरचा कचरा वेळेत उचलला कधी जाईल, या प्रतिक्षेत आळंदीकर आहेत. एकंदर शहरात आरोग्याचा प्रश्न आ वासून असताना प्रशासन मात्र रस्त्यावरिल कचरा वेळेत उचलला जाईल, यासाठी दक्ष नसल्याचे चित्र आहे. याबाबत मुख्याधिकारी अंकुश जाधव म्हणाले की, कचरा वेळेत उचलण्याबाबत कार्यवाही केली जाईल.