पुणे : छत्रपती शाहू महाराज संशोधन, प्रशिक्षण व मानव विकास संस्था (सारथी) या संस्थेवर शासनाने टाकलेले निर्बंध उठवावेत आणि सारथीचा लाभ घेणाऱ्या विद्यार्थ्यांना थकलेले विद्यावेतन सुरु करावे, अशी मागणी मराठा क्रांती मोर्चाच्या वतीने करण्यात आली आहे.
पुण्यात मराठा क्रांती मोर्चाच्या पत्रकार परिषदेत यांनी ही मागणी केली आहे. यासाठी मराठा क्रांती मोर्चाच्या वतीने पुण्यात शनिवारी सकाळी एक दिवसाचं लाक्षणिक उपोषण करण्यात येणार आहे. या उपोषणात खासदार छत्रपती संभाजीराजे, डॉ. सदानंद मोरे, इतिहास संशोधक इंद्रजीत सावंत, सकल मराठा क्रांती मोर्चा, राज्यातील सारथीचा लाभ घेणारे विद्यार्थीही सहभागी होणार आहेत.
राष्ट्रपती राजवटीच्या काळात या संस्थेवर ओबीसी मंत्रालयाचे प्रधान सचिव जे. पी .गुप्ता यांनी संस्थेवर निर्बंध घातले आहेत. ते निर्बध उठवावेत आणि विद्यार्थ्यांना लवकरात लवकर विद्यावेतन मिळावे, अशी मागणीही यावेळी त्यांनी केली आहे. तसेच जे .पी . गुप्ता यांना निलंबित करावे, अशीही त्यांची मागणी आहे. सारथीवरील निर्बंध हटवल्याचे शासन परिपत्रक काढावे, असे आवाहनही सरकारला यावेळी करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.