लोणी काळभोर (पुणे) : जिल्हातील केशरी शिधापत्रिकाधारकांना जुलै व ऑगस्ट अशा दोन महिन्याचे धान्य पुढील महिन्यात एकत्रित मिळणार असल्याची घोषणा जिल्हा पुरवठा अधिकारी भानुदास गायकवाड यांनी केली आहे. 

राज्यात दहावीचा निकाल 95 टक्केे

राज्य शासनाकडून पुरवठा विभागाला काही तांत्रिक अडचणींमुळे धान्य वितरणासाठी निधी उपलब्द झाला नाही. त्यामुळे जुलै महिना संपत आला तरी केशरी शिधापत्रिकाधारकांचे धान्य वितरण रखडले आहे. मात्र, राज्य शासनाकडून पुढील काही दिवसात निधी उपलब्द होणार आहे. त्यामुळे जुलै व ऑगस्ट महिन्याचे धान्य रेशन दुकानात एकत्रित उपलब्ध करून देण्यात येणार असल्याची माहिती भानुदास गायकवाड यांनी दिली आहे. 

पुण्यातील 100 वर्षांच्या आजींनी कोरोनाला हरवले

कोरोनाच्या प्रार्श्वभूमीवर राज्य सरकारने केशरी (ज्यांचे उत्पन्न ५९ हजारापेक्षा जास्त आहे) शिधापत्रिकाधारकांना ८ रुपये दराने प्रतिमाणसी तीन किलो गहु, तर बारा रुपये दराने प्रतिमाणसी दोन किलो तांदुळ देण्याबाबतचा निर्णय एप्रिल महिन्यात जाहीर केला होता. सुरुवातीला ही योजना एप्रिल, मे व जून या तीन महिन्यांसाठी राबविण्यात येणार असल्याचे शासनाने जाहीर केले होते. मात्र, जुलै महिण्याच्या पहिल्या आठवड्यात ही योजना जुलै व ऑगस्ट महिन्यासाठीही चालू राहिल, अशी घोषणा सरकारच्या वतीने करण्यात आली होती. त्यामुळे केशरी शिधापत्रिकाधारक रोजच रेशनिंग दुकानात जाऊन गहू व तांदुळ कधी मिळणार, अशी विचारणा करत होते. या प्रार्श्वभूमीवर जिल्हा पुरवठा अधिकारी भानुदास गायकवाड यांच्याशी संपर्क साधली असता त्यांनी माहिती दिली. 

पुण्याच्या आणखी बातम्या वाचण्यासाठी येथे क्लिक करा

त्यांनी सांगितले की, जुलै व ऑगस्ट महिन्यासाठी शासनाने केशरी शिधापत्रिकाधारकांना गहू व तांदुळ पुरवण्याचे आदेश दिलेले आहेत. मात्र, जुलै महिण्याचा गहू व तांदळाचा साठा उचलण्यासाठी लागणारी रक्कम काही तांत्रिक कारणामुळे रिलीज न झाल्याने जुलै महिना संपत आला तरी गहू व तांदळाची उचल होऊ शकलेली नाही. मात्र, पुढील तीन ते चार दिवसात रक्कम रिलीज होण्याची शक्यता आहे. त्यामुळे शिधापत्रिकाधारकांना जुलै व ऑगस्ट महिन्याचे गहू व तांदूळ एकत्रित वाटप करण्याचा निर्णय घेतलेला आहे. त्यामुळे जिल्ह्यातील केशरी शिधापत्रिकाधारकांना रेशनिंग दुकानधारकांना सहकार्य़ करावे.

डाळ घोटाळ्याची चौकशी "गोपनीय"  
लॉकडाउनच्या काळात जिल्ह्यातील नागरिकांना शिधापत्रिकेवर हरभरा व तुरदाळ मोफत वितरण करण्याचे आदेश शासनाने दिले होते. त्यानुसार हवेली तालुक्यातील बहुतांश रेशनिंग दुकानदारांनी हरभरा व तुरदाळ गोदामातून उचलली असली, तरी ती डाळ शिधापत्रिकाधारकांच्या घरापर्यंत पोचलीच नसल्याची धक्कादायक बाब पुढे आली होती. आमदार अशोक पवार यांच्या आदेशानुसार या डाळ घोटाळ्याची चौकशी करण्यात येणार असल्याची घोषणा पुरवठा विभागाने केली होती. मात्र, पंधरा दिवसानंतरही चौकशी समिती व समितीचे काम गोपनीय असल्याचे उघड झाले आहे. चौकशी समितीच गोपनीय असल्याने अहवालही गोपनीय राहणार, हे नक्की. याबाबत हवेलीचे नायब तहसीलदार संजय भोसले यांच्याकडे विचारणा केली असता, तपास चालू आहे, असे मोघम उत्तर दिले. त्यामुळे वरील घोटाळ्याची चौकशी होणार का, याकडे नागरिकांचे लक्ष लागले आहे.