भिगवण : येथील भिगवण ग्रामपंचायतीच्या पंचवार्षिक निवडणुकीच्या पार्श्वभुमीवर राजकिय हालचालींना वेग आला असुन सत्ताधारी राष्ट्रवादी कॉंगेस पक्षाविरुध्द स्व. रमेश जाधव प्ररित सर्वपक्षीय श्रीनाथ ग्रामविकास पॅनेलची घोषणा करण्यात आली आहे. श्रीनाथ पॅनेलच्या वतीने आयोजित बैठकीमध्ये ही घोषणा करण्यात आली.

- पुण्याच्या बातम्या वाचण्यासाठी येथे ► क्लिक करा

येथील श्रीनाथ ग्रामविकास पॅनेलच्या वतीने आयोजित बैठकीसाठी इंदापुर अर्बन बॅंकेचे संचालक अशोक शिंदे, माजी सरपंच पराग जाधव, भिगवण शिक्षण प्रसारक मंडळाचे अध्यक्ष अजित क्षीरसागर, पंचायत समितीचे उपसभापती संजय देहाडे, गुलामभाई शेख, माजी उपसरपंच हरिश्चंद्र पांढरे, अभिमन्यु खटके, जयदीप जाधव, संजय रायसोनी, तुषार क्षीरसागर, राजेंद्र जमदाडे व आजी माजी ग्रामपंचायत सदस्य उपस्थित होते.

यावेळी बोलताना अशोक शिंदे म्हणाले, ''सत्ताधाऱ्यांनी मागील ग्रामपंचायत निवडणुकीवेळी एक बदल घडवा सर्व बदल घडतील अशी घोषणा केली होती, परंतु पाच वर्षात केवळ सरपंच व उपसरपंच हेच बदलत गेले. गावांमध्ये मात्र कोणताही बदल घडला नाही. सत्ताधाऱ्यांकडून केवळ सत्तेच्या संगित खुर्चीचाच खेळ खेळला गेला. त्यामुळे गावातील अंतर्गत रस्ते, पिण्याचे पाणी अशा मुलभूत प्रश्नांनी गंभीर स्वरुप धारण केले आहे. स्व. शंकरराव पाटील यांचा आदर्श डोळ्यासमोर ठेवून तसेच माजी सहकारमंत्री हर्षवर्धन पाटील यांचे मार्गदर्शनाखाली भिगवणचा नेत्रदिपक विकास करु.'' 

डॉक्‍टर तरुणाला ३० लाख १० हजारांचा ऑनलाइन घातला गंडा

पराग जाधव म्हणाले, ''स्व. रमेश जाधव यांच्या संकल्पनेतील गाव निर्माण करण्यासाठी गावाच्या विकास केंद्रबिंदू मानून श्रीनाथ पॅनेलची रचना करण्यात आली आहे. या पॅनेलमध्ये गावाच्या विकासाबाबत संवेदशील असणाऱ्या सर्वपक्षीय उमेद्वारांना संधी देण्यात येणार आहे. गावाच्या विकासासाठी पक्षाचे, धर्माचे, जातीचे जोडे बाहेर ठेवण्यात येणार आहे.'' 

भेसळीचा संशय आल्याने तब्बल ९ लाखाचा तूप साठा जप्त   

प्रास्ताविक अजित क्षीरसागर यांनी केले. सुत्रसंचालन जावेद शेख यांनी केले तर आभार गुलामभाई शेख यांनी मानले. बैठकीसाठी भिगवण व भिगवण स्टेशन येथील संभाव्य उमेद्वार व नागरिक उपस्थित होते.

(संपादन : सागर डी. शेलार)