भोर (पुणे) : भोर तालुक्याच्या भाटघर धरण खोऱ्यातील अतिदुर्गम गावांमधील नागरिकांना धरणातील लॉंचमधील तरंगत्या दवाखान्याद्वारे आरोग्य सेवा देण्यास राज्य सरकारच्या समितीच्या वतीने सुरुवात करण्यात आली. 

पुण्याच्या इतर बातम्या वाचण्यासाठी येथे क्लिक करा

शनिवारी (ता. ५) वैद्यकीय अधिकारी डॉ. सुदर्शन मालाजुरे यांच्या वैद्यकीय पथकाने लॉंचमधील या वर्षातील पहिली आरोग्य सेवा दिली. भाटघर धरणातील सांगवी वेखो, नानावळे, मळे, भांड्रवली, डेरे व भूतोंडे या गावांमधून ७२ रुग्णांना लॉंचमध्ये आरोग्य सेवा दिली. लॉंचमधील या वैद्यकीय पथकात श्रीमती एस. सी. मदने, कृष्णा किंद्रे व लॉंच ऑपरेटर राजेंद्र कंक आदी उपस्थित होते. लॉंचवरील फार्मासिस्टचे पद रिक्त आहे. त्यामुळे डॉक्टर व सिस्टर यांनाच रुग्णांना गोळ्या-औषधे द्यावी लागत आहेत.

पुण्यात अत्यवस्थ रुग्णांना रक्तदात्यांची प्रतिक्षा

भाटघर धरणातील या लॉंचमधील आरोग्यसेवा ही दरवर्षी ऑगस्ट महिन्यात सुरु होते. मात्र, या वर्षी कोरोनाच्या साथीमुळे काही दिवस उशिरा लॉंच सुरु करण्यात आली. ऑगस्ट ते मार्च या आठ महिन्यांच्या कालावधीत हजारो नागरिकांना मोफत आरोग्य सेवा दिली जाते. लॉंचमधील तरंगत्या दवाखान्यातून आठवड्यातून बुधवारी व शनिवारी अशा दोन वेळा दिल्या जाणाऱ्या आरोग्य सेवेत प्रत्येक वेळी सरासरी ९० ते १०० रुग्णांवर उपचार केले जात आहे. 

पुणे महापालिकेला जमत नसेल तर जंबो लष्करी अधिकाऱ्यांकडे सोपवा

भाटघर धरण खोऱ्यातील १६ गावांमधील नागरिकांना आरोग्य सेवा घेण्यास इतरत्र कुठेही जाता येत नाही. त्यामुळे त्यांना केवळ याच लॉंचमधील दवाखान्याचा आधार मिळत आहे. धरण खोऱ्यातील चांदावणे, गुहिणी, खुलशी, भूतोंडे, डेरे, भाड्रवली, मळे-सुतारवाडी, नानावळे, बुरुडमाळ, सांगवी वेखो, वाघमाची, गोपे, घुमटवस्ती व कुंबळे या गावांमधील नागरिकांना आरोग्य सेवा मिळत आहे.