पुणे: पुणे आणि लगतच्या भागात १२ ते १५ किलोमीटर उंचीचे ढग आहेत. त्यामुळे सोमवारी रात्री काही भागांमध्ये विजांच्या कडकडाटासह अतिमुसळधार पावसाची शक्यता हवामान खात्याने वर्तवली आहे. शहर आणि परिसरात सखल भागात पाणी साठण्याची शक्यता असून, वाहतूक खोळंबणे आणि निवडक ठिकाण फ्लॅशफ्लडचीही शक्यता आहे.
अरबी समुद्रात नुकतेच विरलेल्या शाहीन चक्रीवादळामुळे ओमानच्या दिशेने कमी दाबाचा पट्टा तयार झाला आहे. याचा परिणाम राज्यावरही पाहायला मिळत असून, पुण्यासह राज्यभरात विविध ठिकाणी मुसळधार पाऊस पडत आहे. मुंबईच्या रडार छायाचित्रांतून सोमवारी रात्री पुणे, घाटमाथा, सातारा, कोल्हापुर, उस्मानाबाद आदी ठिकाणी विजांच्या कडकडाटासह मुसळधार पावसाची शक्यता आहे.
पुण्यात गुडघाभर पाणी
शहरात अचानक आलेल्या मुसळधार पावसामुळे रस्त्यांवर गुडगाभर पाणी वाहत होते. सखल भागांत अनेक ठिकाणी पाणी साचले. त्यामुळे वाहतुकीला खोळंबा झालेला पाहायला मिळाला. रात्री साडेआठनंतर काहीसा पाऊस थांबल्याने घरी परतण्यासाठी रस्त्यावर वाहनांची गर्दी पाहायला मिळाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.