हडपसर (पुणे) : चार महिन्यांपासून सुरू असणा-या लॅाकडाउनमुळे लई परेशानी झालीय... बांधकाम सुरू झाल्याचं सांगितलं जातय...पण काम कुठं सुरू झालीयेत...हाताला काम मिळेल तर घर चालेल... हे असंच सुरू राहिल तर सांगा आम्ही जागायच कसं....अशी कैफियत मांडत मजूर अड्डयावरील कामगारांनी आपल्या भावनांना वाट करू दिली.
रोज सकाळी नऊ वाजता मजूर अड्डयावर यायचे, १२ वाजेपर्यंत थांबायचे. काम मिळाले तर जायचे नाहीतर घराकडची वाट धरायची, अशी त्यांची दिनचर्या सुरू आहे. पूर्वी परप्रांतिय मजूर अड्डयावर बघायला मिळायचे. आता ते गावी निघून गेले आहेत. त्यामुळे इथे स्थानिकच राहिले असले, तरी त्यांच्या हाताला काम मिळत नाही. त्यामुळे संसाराचा गाडा चालवायचा कसा, असा प्रश्न त्यांना सतावू लागला आहे.
मजूर शितल बावचे म्हणाल्या, हाताला काम नाही. तीन महिन्याचे घरभाडे थकले. त्यामुळे घर मालकाने घर सोडायला सांगितले. शेवटी गळ्यातील मंगलसूत्र विकल आणि भाडे भरले. आमच्यातील काही लोकांनी परिस्थितीमुळे भाडयाचे घर सोडून पूलाखाली संसार थाटला आहे. गेल्या महिन्याभरापासून केवळ आठ दिवस हाताला काम मिळाल आहे. त्यातून घरभाडे भरायचे की घर चालवायचे हा प्रश्न निर्माण झाला आहे. त्यामुळे मायबाप सरकराने आम्हाला मदत करायला हवी. मजूर राजेश म्हाळवे म्हणाले, कोरोनामुळे हाताला काम नाही. घरात चूल पेटत नाही. आमच्या कुटुंबातील लहान मुले जवळीस वस्तीमध्ये जाऊन शीळं अन्न मागू आपल पोट भरतात. मात्र, गेल्या ८ दिवसापासून त्यांना लोक घरासमोर उभंही राहू देत नाही. शीळचं काय पण एक वेळेचं जेवणही त्यांना मिळेनासं झाल आहे. जे काही सांभाळून ठेललं होत ते केव्हाच संपलं. आता तर दुकानदारही उधार देत नाही.
ताज्या बातम्यांसाठी डाऊनलोड करा ई-सकाळचे ऍप
पुण्याच्या बातम्या वाचण्यासाठी येथे ► क्लिक करा
नाना तिरकडे म्हणाले, काम केले तर दोन वेळच्या जेवणाचा प्रश्न सुटतो. मुला-बाळांच्या तोंडात दोन घास सुखाचे जातात. मात्र ‘लाॅकडाऊनमुळे’ हडपसर सह परिसरातील विविध क्षेत्रातील हजारो मजुरांचे हाल सुरू झाले आहेत. तीन-चार महिन्यांपासून काम बंद असल्याने हातात पैसे नाहीत. मुलांचे शिक्षण, मुलींचे विवाह, किंवा अन्य कारणांसाठी बचत गटातून घेतलेल्या कामांसाठी बचत गटाच्या कर्जाचे घेतलेले हप्ते, फायनान्सचा तगादा यामुळे अनेकजण वैतागून गेले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.