नारायणगाव (पुणे) : कुकडी प्रकल्पाअंतर्गत धरणातून मीना शाखा, घोड शाखा व पिंपळगाव जोगा या कालव्यात उन्हाळी हंगामातील दुसरे अवर्तन सोडण्यात आले आहे. 26 दिवसांच्या या आवर्तनात प्रत्यक्ष सिंचनासाठी दोन टीएमसी पाणी वापर होणार आहे, अशी माहिती कुकडी पाटबंधारे विभाग क्रमांक एकचे कार्यकारी अभियंता प्रशांत कडूसकर यांनी दिली.

पुण्याच्या इतर बातम्या वाचण्यासाठी येथे क्लिक करा
 
कुकडी प्रकल्पातील येडगाव, माणिकडोह, वडज, पिंपळगाव जोगे व डिंभे या धरणांची उपयुक्त पाणी साठवण क्षमता ३०.५४ टीएमसी आहे. प्रकल्पात आजअखेर ४.४३१ टीएमसी (१४.४३१ टक्के) उपयुक्त पाणीसाठा शिल्लक आहे. मागील वर्षी आजअखेर प्रकल्पात ०.२६५ टीएमसी (०.८९ टक्के) उपयुक्त पाणीसाठा शिल्लक होता.

खेड तालुक्यात दोघांच्या मृत्यूने वाढली चिंता 

कडूसकर यांनी सांगितले की, उन्हाळी पहिले आवर्तन १० मार्च ते ५ मे दरम्यान सुरू होते. या पाण्याचा लाभ जुन्नर, आंबेगाव, शिरूर, पारनेर, श्रीगोंदा, कर्जत, करमाळा या सात तालुक्यातील शेतकऱ्यांना सिंचन व बिगर सिंचनासाठी झाला. २९ एप्रिल रोजी कालवा सल्लागार समितीची बैठक झाली होती. त्यात कुकडी डावा व डिंभे उजवा कालवा वगळता इतर कालव्यात उन्हाळी दुसरे आवर्तन सोडण्याचा निर्णय झाला होता. त्यानुसार मीना शाखा, घोड शाखा व पिंपळगाव जोगा या कालव्यात कुकडी प्रकल्पातील धरणांतून पिण्यासाठी पाणी सोडण्यात आले आहे. मीना शाखा, घोड शाखा व पिंपळगाव जोगा या कालव्याचे आवर्तन अनुक्रमे ५ जून, १५ जून, ४ जून रोजी पूर्ण होईल. या वर्षी आवर्तन नियोजन काटेकोर केल्यामुळे सुमारे एक टीएमसी पाण्याची बचत झाली आहे.

क्वारंटाइन नव्हे स्कूलटाइम..

धरणनिहाय शिल्लक उपयुक्त पाणीसाठा (टीएमसी) व कंसात टक्केवारी : येडगाव : ०.२२७ (११.७२ टक्के), माणिकडोह : ०.७५२ (७.३९), वडज : ०.१९४ (१६.६२), डिंभे : ३.२५ (२६.०६), पिंपळगाव जोगे : उपयुक्त पाणीसाठा शून्य टक्के, मृत साठा ४.२ टीएमसी.