पुणे - कोरोनामुळे अत्यवस्थ रुग्णांसाठी ससून रुग्णालयाच्या नव्या अकरा मजली इमारतीतील सातव्या मजल्यावर अद्ययावत अतिदक्षता विभाग युद्धपातळीवर उभारण्यात येत आहे. पुढील आठवड्यात ४० खाटांचा हा विभाग सज्ज करण्याचा प्रयत्न आहे. त्यासाठी अत्यावश्यक असलेले ३२ व्हेंटिलेटर व पूरक यंत्रणा बसविण्यासाठी राज्य सरकारने पाच कोटी रुपयांचा निधी तातडीने मंजूर केला आहे.
शहरातील कोरोना संसर्ग झालेल्या रुग्णांची संख्या गेल्या आठवड्यात वेगाने वाढली. त्याच प्रमाणात संशयित रुग्णांचे प्रमाणही वाढत आहे. या पार्श्वभूमीवर खबरदारीचा उपाय म्हणून हा अतिदक्षता विभाग कार्यान्वित होणार आहे. ससूनच्या मुख्य इमारतीपासून नवी इमारत सुरक्षित अंतरावर आहे. ही इमारत अजूनही वापरात नाही. त्यामुळे या आपत्कालीन स्थितीत अत्यवस्थ रुग्णांना योग्य उपचार मिळावेत म्हणून पायाभूत सुविधा निर्माण केल्या जात आहेत. याबाबत बी. जे. वैद्यकीय महाविद्यालयाचे अधिष्ठाता डॉ. अजय चंदनवाले म्हणाले, ‘‘आपत्कालीन स्थितीत ससून रुग्णालयाने नेहमीच मोलाची भूमिका बजावली आहे.
जगभरात उद्रेक झालेल्या कोरोनाच्या संसर्गाचे रुग्ण पुण्यातही आढळून आले आहेत. त्यांना अत्यवस्थ स्थितीत सर्वोत्तम उपचार मिळावेत, यासाठी हा अतिदक्षता विभाग उभारण्यात येत आहे.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.