कर्नाटकमधील (Karnataka) हिजाब (Hijab Row) प्रकरणाचे आता महाराष्ट्रातही पडसाद उमटायला सुरूवात झाली आहे. या प्रकरणावरुन आता राष्ट्रवादी (NCP) आणि काँग्रेस पक्ष आक्रमक झाल्याचं पाहायला मिळतंय. राष्ट्रवादीकडून पुण्यात (Pune) आंदोलनाला सुरूवात झाली आहे. यावेळी पुण्यातील भाजपच्या महिला पदाधिकाऱ्यांकडून भाजपवर देखील टीका करण्यात आली. सावित्री बाई फुले आणि फातिमा शेख यांनी आपल्या पारंपारिक पोशाखात शिक्षण घेतलं होतं, आता भाजप हिजाब आणि पारंपारीक कपड्यांनाही विरोध करतंय असं म्हणत प्रशांत जगताप, रुपाली ठोंबरे यांनी भाजपवर टीका केली. (Hijab Row NCP Protest in Pune)

पुण्यातील फुले वाड्यात राष्ट्रवादीच्या कार्यकर्त्यांकडून आंदोलन करण्यात आलं. यावेळी काही मुस्लीम महिलांचा देखील त्यामध्ये समावेश होता. त्यानंतर आता राज्यातील अन्य ठिकाणी देखील आंदोलनाला सुरूवात झाली असून, सर्वत्र पोलिसांनी बंदोबस्त लावल्याचं दिसतंय. राज्याचे गृहमंत्री दिलीप वळसे पाटील यांनीही या प्रकरणाची नोंद घेतली असून, या प्रकरणाच्या पार्श्वभूमीवर राज्यातील पोलिसांना सतर्कतेचे आदेश दिल्याचंही त्यांनी सांगितलं आहे.

कर्नाटकमधील घटनेच्या निषेधार्ह आम्ही हे आंदोलन करत असून, भाजप आणि संघाची ही भुमिका अफघानिस्तानमधील तालिबान्यांसारखी आहे. एकीकडे ते तोकडे कपडे घालणाऱ्यांनाही त्रास देतात आणि दुसरीकडे पारंपारिक पोशाखालाही परिधान करतात, यावरून भाजपचे लोक गोंधळलेले असल्याचा आरोप राष्ट्रवादी पक्षाचे शहर अध्यक्ष प्रशांत जगताप म्हणाले.