घोडेगाव(पुणे): आंबेगाव तालुक्यातील आदिवासी बांधवांचे महत्त्वाचे आर्थिक साधन असणारे हिरड्याची खरेदी राज्य सरकारकडून अद्याप सुरू नसल्याने आदिवासी बांधव आर्थिक अडचणीत सापडले आहेत. शासनाने तातडीने हिरडा खरेदी केंद्र सुरू करावी अन्यथा आंदोलन करावे लागे, असा इशारा बिरसा क्रांती दलाचे राज्य सचिव डी. बी. घोडे, पुणे विभागीय अध्यक्ष दिलीप थांबवणे यांनी जिल्हाधिकारी नवल किशोर राम, शबरी आदिवासी वित्त व विकास महामंडळ नाशिक व्यवस्थापकीय संचालक नितीन पाटील यांच्याकडे पाठविलेल्या निवेदनाद्वारे दिला आहे.
- पुण्याच्या बातम्या वाचण्यासाठी येथे ► क्लिक करा
आंबेगाव तालुक्यातील आदिवासी बांधवांच्या उपजिविकेसाठी हिरडा पीक महत्त्वाचे आहे. दरवर्षी जून महिन्यात सरकारी हिरडा खरेदी केंद्र सुरू केली जातात. खरेदी केंद्राच्या माध्यमातून सरासरी दीडशे ते दोनशे रुपये प्रतवारीनुसार किलोसाठी बाजार भाव दिला जातो. सद्यस्थितीत जुलै महिन्याचा पहिला पंधरवडा जाऊनही अद्याप हिरडा खरेदी केंद्र सुरू झाली नाहीत. त्याचा फायदा उठवत खाजगी व्यापाऱ्यांनी मातीमोल दराने खरेदी सुरू केली आहे. त्यामुळे आदिवासी बांधवांचे मोठे नुकसान झाले आहे.
आदिवासी भागातील शोषित वंचित आदिवासी शेतकऱ्यांच्या हिरड्याच्या पिकाला पाचशे रुपये प्रति किलो किमान हमी भाव मिळावा. हिरडा गोळा करताना आदिवासी बांधव आपला जीव धोक्यात घालून काम करत असतो. झाडाच्या शेंड्यावर जाऊन हिरडा तोडावा लागतो. हिरडा हे पीक आयुर्वेदिक शास्त्रामध्ये खूप मोठ्या प्रमाणात वापरले जाते. सध्या हिरडया पिकावर आदिवासी बांधवांचा उदरनिर्वाह चालू आहे. त्यामुळे या वाढत्या महागाईच्या काळात पाचशे रुपये किमान हमी भाव मिळावा. आदिवासी समाजातील शेतकऱ्यांना न्याय द्यावा, असे निवेदनात म्हटले आहे.
Breaking : महाविद्यालय स्तरावर होणार परीक्षा?; 'यूजीसी'चे उपाध्यक्ष काय म्हणाले पाहा!
आदिवासी नेते दिलीप कांबळे म्हणाले, ''जंगलातून तोडून आणल्यानंतर रोज उन्हामध्ये वाळत घालावा लागतो. पायाने मळावा लागतो. तेव्हा तर चांगला तयार होतो तेव्हा कुठेतरी चांगला भाव मिळतो.''
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.