पिलाजी जाधवराव घराण्याने बांधकाम केल्याचे मोडी कागदपत्रांमधून स्पष्ट
पुणे - आळंदी येथील संत ज्ञानेश्वर माउली समाधी मंदिराच्या पश्चिमेकडील १६ आणि उत्तरेकडील १२ अशा एकूण २८ ओवऱ्या आणि पानदरवाजा वाघोलीच्या पिलाजी जाधवराव (दुसरे) यांनी बांधून घेतल्याची माहिती भारत इतिहास संशोधक मंडळातील मोडी कागदपत्रांतून समोर आली आहे.
- पुण्याच्या बातम्या वाचण्यासाठी येथे ► क्लिक करा
इतिहास संशोधक आणि मोडी लिपी तज्ज्ञ राज चंद्रकांत मेमाणे यांच्या संशोधनातून ही माहिती समोर आली आहे. सदर कागद इसवी सन १८२० च्या आसपासचे म्हणजेच पिलाजी जाधवराव यांच्या हयातीनंतरचे असून यात किती ओवऱ्या बांधल्या आणि त्यात कुणाकुणाला राहण्यास जागा दिली, याची माहिती मिळते. संत हैबतबाबा हे त्यातील दोन ओवऱ्यांत राहत असल्याचा उल्लेख आहे.
रोजनिशीत महत्त्वाच्या नोंदी
जाधवराव घराण्याचे कुलाचार, संभाजी जाधवराव आणि पिलाजी जाधवराव यांच्या रोजनिशीतील नोंदी असलेले कागदही सापडले आहेत. हे सर्व कागद प्रकाशित करण्याचा मानस आहे, असे ज्येष्ठ इतिहास संशोधक आणि मंडळाचे सचिव पांडुरंग बलकवडे यांनी सांगितले.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.