पुणे : "कोरोनाच्या पार्श्‍वभूमीवर राज्यातील 55 वर्षे वय असणाऱ्या 12 हजार पोलिसांना घरीच राहण्याच्या सूचना दिल्या आहेत. या काळात त्यांना वेतन मिळणार आहे. तर 50 ते 55 वयोगटातील सुमारे 23 हजार पोलिसांना पोलिस ठाण्यातच ड्युटी लावण्यात आली आहे.
तसेच पोलिसांना चांगल्या उपचारासाठी आवशक्‍यता भासल्यास एक लाख रुपये आगाऊ उपलब्ध करून देण्यात येणार असल्याची माहिती गृहमंत्री अनिल देशमुख यांनी रविवारी (ता.७) दिली. पुणे शहरात वेगवेगळ्या भागांना भेटी देत कर्तव्यावर असलेल्या पोलीस कर्मचाऱ्यांची त्यांनी विचारपूस केली. त्यानंतर झालेल्या पत्रकार परिषदेत त्यांनी ही माहिती दिली.
ते म्हणाले, "कारागृहामध्ये नव्याने दाखल होणाऱ्या कैद्यांसाठी राज्यातील 24 जिल्ह्यात तात्पूरत्या स्वरुपात 31 कारागृह उभारण्यात आले आहेत. जिल्ह्यातील शाळा, महाविद्यालयांच्या इमारती जेलमध्ये परावर्तीत करुन त्यांची सोय करण्यात आली आहे. यामुळे कैद्यांचा करोना संसर्गापासून बचाव होणार आहे. करोनाच्या पार्श्‍वभूमीवर जेलमध्ये देखील सुरक्षितता राहावी, यासाठी आजपर्यंत राज्यातील 9 हजार 671 कैद्यांना सोडण्यात आले आहे.
येत्या काही दिवसात आणखी 11 हजार कैद्यांना सोडण्यात येणार आहे. मात्र, कुठल्याही परिस्थितीत गंभीर गुन्हे असलेल्या कैद्यांना बाहेर सोडण्यात येणार नाही. राज्यातील 60 जेलमध्ये सुमारे 38 हजार कैदी आहे. जेलमध्ये मोठ्या संख्येने कैदी असल्याने सोशल डिस्टन्सचे पालन करणे शक्‍य होणार नाही. त्यामुळे जेलमधील कैद्यांची संख्या 17 हजार पर्यंत आणण्यात येणार आहे.''
देशमुख यांचा फडणवीस यांना सल्ला
कोरोना काळात राज्यसरकार उत्तम काम करीत आहे. या अडचणीच्या काळात अनेक सामाजिक संस्था, संघटना सरकारच्या पाठीशी उभ्या आहेत. जनता एकत्र येत आहे. मात्र, सातत्याने टीका करुन विरोधी पक्षनेते देवेंद्र फडणवीस कोरोना संकटात देखील राजकारण करीत आहे, ही वेळ राजकारण करण्याची नाही. केंद्रीय मंत्री नितीन गडकरी यांनीसुध्दा राजकारण करण्याची ही परिस्थिती नसल्याचे सांगितले आहे. त्यामुळे फडणवीस यांनी वरिष्ठांचे अनुकरण करायला पाहिजे, असे सल्ला देशमुख यांनी फडणवीस यांना दिला आहे.
- पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.