पुणे : लाॅकडाउनमधील सवलतीनंतर शहरातील कोरोनाबाधितांचा आकडा दिवसेंदिवस वाढत चालला आहे. शहरातील रस्त्यांवर गर्दी वाढत आहे. गेल्या काही दिवसांपासून रोज सरासरी पाचशे रुग्ण आढळत आहेत. या पार्श्वभूमीवर गृहमंत्री अनिल देशमुख यांनी चिंता व्यक्त केली असून, त्यांनी शहरातील अवैध धंदे तातडीने बंद करण्याची सूचना पोलिसांना दिली आहे.
पुणे शहरातील कोरोनाचा वाढता प्रसार रोखण्यासाठी खुद्द ज्येष्ठ नेते शरद पवार हे मैदानात उतरले आहेत. शहरातील कोरोना रोखण्यासाठीच्या उपाययोजनांचा आढावा घेण्यासाठी त्यांच्या उपस्थितीत विभागीय आयुक्त कार्यालयात बैठक सुरू आहे. या वेळी गृहमंत्री अनिल देशमुख यांनी चिंता व्यक्त केली. ते म्हणाले की, लाॅकडाउनमधील सवलतीनंतर बाधित क्षेत्रात शिस्त राहिलेली नाही. हे घातक आहे. सुरवातीसारखी शिस्त आणा आणि त्यासाठी महापालिका आणि पोलिसांत समन्वय हवा आहे. बाधित क्षेत्रातील अवैध धंदे बंद करा.
थेट गृहमंत्र्यांनी शहरातील अवैध धंद्यांबाबत चिंता व्यक्त करून कारवाईचा इशारा दिला आहे. त्यामुळे शहरातील पोलिस यंत्रणा संबंधित धंद्यावर काय करावाई कऱणार, याची पुणेकरांना आता प्रतिक्षा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.