बारामती (पुणे) : गुन्हे शोधमोहिमेमध्ये वाकबगार असलेले बारामती क्राईम ब्रांचचे प्रमुख पोलिस निरीक्षक चंद्रशेखर यादव यांना विशेष कामगिरीबद्दल पोलिस महासंचालकांचे सन्मानचिन्ह जाहीर झाले आहे.
चंद्रशेखर यादव यांनी सेवाग्राम, वर्धा शहर, स्थानिक गुन्हे शाखा, इंदापूर, भिगवण व बारामतीत काम केलेले आहे. या काळात त्यांनी यशस्वी शोध मोहिमा राबवीत दरोड्याचे 30, जबरी चोरीचे 49, घरफोडीचे 68, चोरीचे 171, तसेच हत्यार कायद्याचे 31, असे 349 गुन्हे त्यांनी उघडकीस आणले आहेत. यात जवळपास दीड कोटी रुपयांचा मुद्देमाल हस्तगत करण्यात यश मिळाले. जुगार, दारू, वेश्याव्यवसाय या सारख्या अवैध व्यवसायांवरही त्यांनी हातोडा मारण्याचे काम वेळोवेळी केले आहे. जवळपास 151 अवैध व्यवसायांवर कारवाई करत 17 लाखांचा मुद्देमाल हस्तगत केला.
इंदापूर येथील पळसदेव बॅंक चोरीतील आरोपींना राजस्थान येथे तपास करून अटक करण्यात त्यांना यश आले. या शिवाय भिगवण येथे वाळू माफियांवर पहिली "मोका'अंतर्गत कारवाई; तसेच दरोडा, जबरी चोरी करणारे यांना सतर्क रात्रगस्त राबवून सापळे लावून पकडले.महावितरणच्या डीपी चोरीप्रकरणी अतिशय सराईत आरोपींना सलग दोन महिने कष्ट करून सापळा लावून त्यांनी पकडले. त्यानंतर हे नुकसान थांबल्यामुळे तत्कालीन आमदार व नागरिकांनी पोलिस ठाण्यात येऊन त्यांचा सत्कार केला होता.
बारामती, दौड, इंदापूर, शिरूर, शिक्रापूर, जेजुरी या परिसरात जबरी चोऱ्या करणारे, दरोडे व खुनासह दरोडे घालणाऱ्यांना जेरबंद करून अनेक गुन्हे चंद्रशेखर यादव यांनी उघडकीस आणले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.