पुणे - रशियाच्या "स्पुटनिक - 5' या कोरोना प्रतिबंधक लशीच्या सुरक्षिततेची मानवी चाचणी पुण्यात पूर्ण झाली. पुण्यातील 17 स्वयंसेवकांना या अंतर्गत ही लस देण्यात आली. 

डॉ. रेड्डीज लॅबोरेटरीज लिमिटेड, रशियातील गमलेया नॅशनल रिसर्च सेंटर आँफ एपिडेमिओलॉजी अँण्ड मायक्रोबायोलॉजी, रशियन डायरेक्‍ट इन्व्हेस्टमेंट फंड (आरडीआयएफ) यांच्यातर्फे "स्पुटनिक -5' ही कोरोना प्रतिबंधक लस विकसित करण्यात येत आहे. 

दीड गुंठ्यापर्यंत बांधकामासाठी महापालिकेकडे जाण्याची गरज नाही

केंद्रीय औषध प्रयोगशाळेच्या अहवालानंतर रशियाच्या "स्पुटनिक -5' लशीच्या दुसऱ्या आणि तिसऱ्या टप्प्यातील मानवी चाचणीला देशात सुरुवात झाली. लशीची सुरक्षितता आणि परिणामकारकता यात तपासली जाते. मानवी चाचणीच्या दुसऱ्या टप्प्यात लस किती सुरक्षित आहे, याची चाचणी मानवावर केली जाते. ही चाचणी पुण्यातील 17 स्वयंसेवकांवर नोबल हॉस्पिटलमध्ये करण्यात आली. 

शाळा सुरू झाली; पण शाळेत नेमके काय शिकवायचे; याबाबत शिक्षक संभ्रमात

या बद्दल नोबेल हॉस्पिटलमधील क्‍लिनिकल रिसर्चचे प्रमुख डॉ. एस. के. राऊत म्हणाले, ""स्पुटनिक-5' लशीच्या चाचणीसाठी 17 निरोगी स्वयंसेवकांची निवड करण्यात आली. त्यांना ही लस देण्याची प्रक्रिया गेल्या तीन दिवसांपासून हॉस्पिटलमध्ये सुरू होती. लस निर्माण करण्याच्या दुसऱ्या टप्प्यातील या मानवी चाचण्या होत्या. गेल्या शनिवारी या टप्प्यावरील लसीकरण पूर्ण झाले. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

ही लस दिल्यानंतर प्रत्येक स्वयंसेवकांना कोणती रिऍक्‍शन येत आहे का, हे बारकाईने तपासण्यात आले, असेही त्यांनी स्पष्ट केले. 

रशियाच्या लसीची पुण्यातील केईएम हॉस्पिटल येथेही मानवी चाचणी करण्यात येणार आहे. त्या बद्दल माहिती देताना डॉ. आशिष बावडेकर म्हणाले, या मानवी चाचणीच्या तिसऱ्या टप्प्यातील चाचण्या वढू येथील केंद्रावर केल्या जातील.