पुणे : कौटुंबिक वादातून पतीने त्याच्या पत्नीचा ती काम करत असलेल्या कार्यालयामध्ये जाऊन तिच्यावर चाकूने वार करीत खून केल्याचा धक्कादायक प्रकार घडला. गुरुवारी (ता.१०) दुपारी साडे तीन वाजता डहाणूकर कॉलनी परिसरातील ही घडली. 

कीर्ती रवीकुमार पोटे (वय 43) असे खून झालेल्या महिलेचे नाव आहे. याप्रकरणी रविकुमार पोटे (50) याच्याविरुद्ध अलंकार पोलिस ठाण्यात गुन्हा दाखल करण्याचे काम रात्री उशिरापर्यंत सुरू होते. 

- 8 वर्ष डेटिंग करुनही प्रपोज केलं नाही, गर्लफ्रेंडनं आपल्या बॉयफ्रेंडला खेचल कोर्टात​

पोलिसांनी दिलेल्या माहितीनुसार, पोटे पती-पत्नी हे कोथरूड परिसरात त्यांच्या मुलीसमवेत राहतात. गुरुवारी दुपारी त्यांच्यात किरकोळ कारणावरून कडाक्याचे भांडण झाले. त्यानंतर रागाच्या भरात कीर्ती या कोथरूड बसस्थानक परिसरात आल्या होत्या. तेथून त्या काम करत असलेल्या डहाणूकर कॉलनी परिसरातील कार्यालयात नियमित कामासाठी गेल्या होत्या. परंतु, भांडण झाल्यानंतर पती रवीकुमारने पत्नीचे कार्यालय गाठले.

अगोदर झालेल्या भांडणचा राग मनात धरून त्याने पत्नीवर चाकूने वार केले. या घटनेत गंभीर जखमी झालेल्या कीर्ती यांना उपचारासाठी रुग्णालयात दाखल करण्यात आले. परंतु उपचारापूर्वी त्यांचा मृत्यू झाल्याचे डॉक्टरांनी सांगितले. दरम्यान रविकुमार पोटे तेथून पळून गेला. अलंकार पोलिस या प्रकरणाचा तपास करत आहेत.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)