विश्रांतवाडी - पुणे जिल्ह्यात बेकायदेशीरपणे वाळू उपसा करणाऱ्यांवर तलाठ्यांनी कारवाई केली. वाळू उपसा करून लोहगाव इथं ट्रक मध्ये भरून विक्रीसाठी आलेला ट्रकवर कळस विभागाचे मंडल अधिका-यांनी अन लोहगावच्या तलाठयांनी कारवाई केली. दरम्यान कारवाईच्या अगोदरच ट्रक चालक फरार झाला होता. तर कारवाई वेळी कोणी ट्रकचालक किंवा मालक उपस्थित नसल्याने पोलिसांच्या मदतीने ट्रक प्रांत ऑफिसला जप्त करण्यात आला.  

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

कळस सर्कलच्या अंतर्गत येणाऱ्या लोहगाव, खराडी, वडगावशेरी, येरवडा, विश्रांतवाडी भागात बेकायदेशीर नदीतून उपसा केलेली वाळू ट्रकमधून मोठ्या प्रमाणावर विक्रीसाठी रोज येत आहेत. प्रशासकीय कारवाईच्या उदासीनतेमुळे वाळू माफियांनी या भागात चांगले प्रस्थ केले आहे. शासनाचा लाखो रुपयांचा महसूल रोज वाळू माफिया बुडवत आहेत.  वाळू माफिया पहाटेच्या वेळी चोरून ट्रक विक्रीसाठी आणून ट्रक आतील रस्त्यावर थांबवत होते. 

Breaking : आता पुणे जिल्हा परिषदेतही कोरोनाने केली एन्ट्री; वाचा सविस्तर! 

गुरुवार (दि. ९) रोजी लोहगाव-वाघोली रस्त्यावरील पेट्रोलपंपावर वाळूचा ट्रक भरून वाळू विक्रीसाठी उभा आल्याची माहिती मंडळ अधिकारी बी.व्ही. शेंडगे, तलाठी एच.एस. पोळ यांना मिळाली. त्यांनी जाऊन पहाणी केली, आजूबाजूला पाहिले तर ट्रकचालक नव्हता. गाडीमध्ये कोणतीही कागदपत्रे नव्हती. याशिवाय ट्रकवर मागे नंबर नव्हता, पुढे जो नंबर होता तोदेखील डुप्लिकेट होता. तलाठी यांनी विमानतळ पोलिसांनी माहिती दिली. पोलिसांच्या मदतीने ट्रक लोहगाव चौकीला आणण्यात आला. त्यानंतर प्रांत कार्यालयात ट्रक जप्त करण्यात आल्याची माहिती मंडल अधिकारी बी.व्ही. शेंडगे यांनी दिली. 

पुण्याच्या महापौरांना हॉस्पिटलमधून डिस्चार्ज; 'या' तारखेपर्यंत राहणार होम क्वॉरंटाईन!

मंडल अधिकाऱ्यांनी अशाच पद्धतीने वाळूमाफियांवर कारवाई करावी व शासनाला महसूल मिळवून द्यावा अशी मागणी सर्वसामान्य नागरिक करत आहेत. यासंदर्भात तलाठी एच. एस.  पोळ म्हणाले, ग्रामीण भागातून वाळू येत असून पोलीस पथक व प्रशासनाने त्यावर त्या भागात कारवाई केली पाहिजे. तर शहरात वाळू येणार नाही. आपणदेखील पथक नेमून वारंवार कारवाई करणार असल्याचे त्यांनी स॔गितले..

काय सांगता! राज्यातील पालकमंत्री पदे ही घटनाबाह्य!

Edited By - Prashant Patil