पुणे : तब्बल दीड महिन्याच्या प्रतीक्षेनंतर पुण्यासह राज्यातही मॉन्सून सक्रिय झाला आहे. त्याचबरोबर सर्वत्र संततधार आणि कोकण-घाट माथ्यावर मुसळधार पावसाने हजेरी लावली, अशा स्थितीत पुणे शहरासाठी हवामान विभागाने ही अंदाज वर्तवला आहे.

बुधवारी सकाळपासूनच पुणे शहरात संततधार पावसाने हजेरी लावली असून, अनेक ठिकाणी रस्त्यांवरून पाणी वाहत आहे. मागील 24 तासात लोणावळा आणि परिसरात 200 मिलिमीटर पेक्षा जास्त पावसाची नोंद झाली आहे.

पुणे शहरातही पाषाण येथे १० मिलिमीटर पेक्षा जास्त पाऊस पडला असून, आज दिवसभरात ही ढगाळ हवामान आणि पावसाची शक्यता हवामान खात्याने वर्तवली आहे. त्यामुळे पुणेकरांनी आज कामावर निघताना पावसाळी रेनकोट आणि छत्री सोबत ठेवावी.

बंगालचे उपसागरात तयार झालेले कमी दाबाचे क्षेत्र निवडले असले तरी, राज्याच्या पश्चिम किनारपट्टीवरून येणाऱ्या बाष्पयुक्त ढगांचा ओघ कायम आहे. कोकण, पश्चिम- मध्य महाराष्ट्र आणि विदर्भात जोरदार पावसाची हजेरी लावली आहे. पुढील तीन-चार तासांसाठी कोकणात मुसळधार, तर पुणे, नगर, नाशिक, बीड, जळगाव या जिल्ह्यांमध्ये मध्यम स्वरूपाच्या पावसाची शक्यता हवामान खात्याने वर्तवली आहे.