india vs pakistan t20 world cup 2022 rohit sharma virat kohli babar azam melbourne stadium sakal
पुणे

India vs Pakistan : विराटच्या षटकाराने पुण्यात जल्लोषाची आतषबाजी

भारत-पाकिस्तान क्रिकेट सामन्यानंतर शहरात जागोजागी विजयोत्सव साजरा

सकाळ वृत्तसेवा

पुणे : क्रिकेट सामन्यातील पाकविरूद्धच्या रोमांचक विजयानंतर शहरात जागोजागी धुमधडाक्यात विजयोत्सव साजरा करण्यात आला. रविवारी दुपारपासूनच भारत-पाकिस्तान क्रिकेट सामन्याने प्रेक्षकांसह जणू संपूर्ण शहरावरच भुरळ घातली होती. दिवसभर शांत असलेल्या रस्त्यांवर संध्याकाळी विजयाचे फटाके फोडण्यात आले. तर काही ठिकाणी मंडळांनी गाणी वाजवत आनंदोत्सव साजरा केला.

पाकिस्तान विरुद्धच्या रोमहर्षक क्रिकेट सामन्यातील विजयानंतर भारतीयांची दिवाळी अधिकच गोड झाली आहे. रविवारच्या भाकड दिवशी जणू आनंदाचा पाडवाच साजरा करण्यात आला. विराट कोहलीने ‘नो बॉल’ ला मारलेल्या षटकाराची चर्चा शहरातील चौकाचौकात पाहायला मिळाली. काही उत्साही कार्यकर्त्यांनी शनिवारवाड्यापासून ते नामदार गोपाळकृष्ण गोखले चौकापर्यंत तिरंग्यासह ‘बाईक रॅली’काढल्याचे पाहायला मिळाले. फटाक्यांच्या आतषबाजीबरोबरच गाण्यावर ठेका धरलेल्या तरूणाईने आजच दिवाळी साजरी केली. मुख्य शहरासह उपनगरातही काही ठिकाणी एकत्र जमत तरूणाईने ‘टीम इंडिया’च्या विजयाचा जयघोष केला.

नो बॉल ट्रेंडींगमध्ये...

ट्वीटरसह विविध समाजमाध्यमांवर क्रिकेट सामन्यानंतर नो बॉल ट्रेंडींगमध्ये आला. विराट कोहलीने ‘नो बॉल’वर मारलेल्या षटकाराची स्तुती आणि पाकिस्तान संबंधीचे मीम्सही पाहायला मिळाले. विराटच्या षटकाराने भारतवासियांना दिवाळीची सर्वोत्तम भेट मिळाल्याचे चाहत्यांनी ट्वीट केले आहे. ‘काय मॅच, काय विराट, काय विजय’ एकदम ओक्के मंदी, भारताची विराट खेळी, अशा संदेशांचा समाजमाध्यमांवर जोरदार पाऊस पडला...

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Cyber Fraud Alert: सायबर फसवणुकीचा नवा प्रकार; काय आहे 401# कोड आणि त्याचे धोके, जाणून घ्या आणि आताच सावध व्हा!

Python Enters House Video: भयानक! मोबाइल बघत बसली होती मुलं, तितक्यात घरात शिरला महाकाय अजगर अन् मग...

Latest Marathi News Updates: शिवसेना नेत्या शायना एनसी यांनी उज्ज्वल निकम यांचे केले अभिनंदन

पार्किंगपासून ते दुकानाच्या भाड्यापर्यंत...; विमानतळावर सर्व महाग होणार, टीडीएसएटीच्या मोठ्या निर्णयानं टेन्शन वाढवलं

Viral Video : प्रियकरासोबत वारंवार फरार व्हायची पत्नी; घटस्फोट होताच पतीने दुधाने आंघोळ करत जल्लोष साजरा केला अन्...

SCROLL FOR NEXT