पुणे - राज्यातील सर्व महाविद्यालयात ५० गुणांचा भारतीय संविधान हा सक्तीचा करा अशी मागणी प्रयास मागासवर्गीय बहुउद्देशीय सामाजिक संस्थेने उच्च व तंत्र शिक्षण मंत्री उदय सामंत यांच्याकडे केली आहे. 

सावित्रीबाई फुले पुणे विद्यापीठाने पदवीच्या द्वितीय वर्षात भारतीय संविधान हा दोन क्रेडिटचा विषय अनिवार्य केला आहे. त्यामध्ये संविधानाची ओळख, निर्मिती,  तरतूदी, सामजिक व राजकीय भान निर्माण करणारा अभ्यासक्रम शिकवला जाणार आहे. 

'भारत बंद'मध्ये पुण्यात काय सुरू राहणार? काय राहणार बंद?​

प्रयास संस्थेने नोव्हेंबर महिन्यात याबाबत उदय सामंत यांनी भेटून राज्यातील माध्यमिक व उच्च माध्यमिक महाविद्यालयात ५० गुणांचा भारतीय संविधान शिकवला जावा अशी मागणी केली आहे. प्रयासचे अध्यक्ष सचिन शिंदे म्हणाले, " संविधानाबद्दल जनजागृती महत्त्वाची आहे, त्याची माहिती मिळाल्यास विद्यार्थ्यांच्या आचरणात बदल होईल. त्यासाठी हा महाविद्यालयीन शिक्षणात विषय अनिवार्य करणे आवश्यक आहे, उदय सामंत यांनीही सकारात्मक निर्णय घेऊ असे आश्वासन दिले आहे. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा