पुणे : मुंबई- पुणे इंद्रायणी एक्‍स्प्रेस आणि पुणे- सोलापूर एक्‍स्प्रेसचे रूपांतर 'लिंक हाफमन बुश्‍च'मध्ये (एलएचबी) झाल्यामुळे दिव्यांगांसह प्रवासी क्षमतेत वाढ झाली असल्याचे मध्य रेल्वेच्या पुणे विभागाने कळविले आहे. एक फेब्रुवारीपासून या दोन्ही गाड्यांचे रूपांतर 'एलएचबी'मध्ये झाले आहे.

इंद्रायणी, सोलापूर एक्‍सप्रेसमध्ये प्रवाशांची आसन क्षमता वाढली

इंद्रायणी एक्‍सप्रेस (क्र. 22105- 22106) आणि पुणे- सोलापूर एक्‍स्प्रेस (क्र. 12169, 12170) या दोन्ही गाड्या (एलएचबी) मध्ये रूपांतरीत झाल्यामुळे प्रवाशांसाठीच्या आसन क्षमतेत वाढ झाली आहे तसेच खिडक्‍याही रूंद झाल्या आहेत.

शिवाजीनगरमध्ये जाहिरात फलकासाठी आणखी एका वृक्षाचा बळी

आसन व्यवस्थाही रूंद झाली असून प्रवाशांना रेल्वे डब्यात सहजपणे वावरता येते. या दोन्ही गाड्यामध्ये या पूर्वी इंटिग्रल कोच फॅक्‍टरी (आयसीएफ) पद्धतीची व्यवस्था होती. त्यात आता बदल झाला आहे. इंद्रायणीमध्ये जनरेटर व्हॅनची पुर्नरचना करण्यात आली आहे. त्यामुळे तेथील प्रवासी आसन क्षमता 36 झाली असून त्यातील 30 आसने प्रवाशांसाठी सहा आसने दिव्यांगांसाठी आहेत. तसेच या दोन्ही गाड्यांमधील या पूर्वीची आसन क्षमता 108 आसनांची होती. 'एलएचबी'मध्ये त्या रूपांतरीत झाल्यामुळे प्रवासी क्षमता 120 झाली आहे, असे मध्य रेल्वेच्या पुणे विभागाने कळविले आहे. 

बेरोजगारांसाठी खुशखबर! पुण्यात मिळणार रोजगाराची संधी