पुणे : कोरोनावर मात करण्यासाठी सर्वांनी नियमांचे पालन केलेच पाहिजे. त्यासाठी यंत्रणांनी नियमभंग करणाऱ्यांविरुद्ध धडक कारवाई सुरू करावी, असे स्पष्ट निर्देश उपमुख्यमंत्री अजित पवार यांनी प्रशासनाला दिले.
- पुण्याच्या बातम्या वाचण्यासाठी येथे ► क्लिक करा
विभागीय आयुक्त कार्यालयात शुक्रवारी (ता. 28) उपमुख्यमंत्री पवार यांच्या अध्यक्षतेखाली पुणे आणि पिंपरी चिंचवड महापालिका क्षेत्रातील कोरोना उपाययोजनांबाबत आढावा बैठक पार पडली.
पवार म्हणाले, कोरोनाची साथ संपविण्यासाठी सार्वजनिक शिस्त निर्माण करावी लागेल. त्यामुळे नियमभंग करणाऱ्यांवर कारवाई झालीच पाहिजे. सार्वजनिक हिताला बाधा आणणाऱ्यांवर तात्काळ कारवाई करावी. मास्क न लावणाऱ्या आणि सार्वजनिक ठिकाणी थुंकणाऱ्या व्यक्तींवर दंडात्मक कारवाई करावी.
कोरोनाबाधित रुग्णांवर उपचार करणाऱ्या ग्रामीण आणि शहरी भागातील डॉक्टरांना तज्ज्ञ डॉक्टर तसेच टास्क फोर्समार्फत कोरोना उपचाराबाबत प्रशिक्षण देणे गरजेचे आहे त्यादृष्टीने कार्यवाही करण्यात यावी. कोरोना कालावधीत पोलिस अहोरात्र कार्यरत आहेत. पोलिसांच्या आरोग्याची काळजी घ्यावी, त्यांच्या उपचार सुविधांबाबत दक्षता घेण्याचे निर्देश उपमुख्यमंत्री पवार यांनी दिले.
विभागीय आयुक्त सौरभ राव, जिल्हाधिकारी डॉ.राजेश देशमुख, पोलिस आयुक्त डॉ. के. वेंकटेशम, पिंपरी चिंचवडचे पोलिस आयुक्त संदीप बिष्णोई, जमाबंदी आयुक्त एस. चोक्कलिंगम, जिल्हा परिषदेचे मुख्य कार्यकारी अधिकारी आयुष प्रसाद, पुणे महापालिका आयुक्त विक्रम कुमार, पिंपरी चिंचवड महापालिका आयुक्त श्रावण हर्डीकर आदी या वेळी उपस्थित होते.
(Edited by : Sagar Diliprao Shelar)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.