कोथरुड (पुणे) : कोथरुडमध्ये सर्वाधिक कोरोना रुग्ण केळेवाडी परिसरात आढळले आहेत. वस्तीभागातील वाढता कोरोना नियंत्रणात आणावा यासाठी महापालिकेचे अधिकारी, पोलिस यांनी प्रत्यक्ष पाहणी करुन उपाय योजना करावी, लोकांच्या समस्यांचे निवारण करावे अशी मागणी नगरसेवक दीपक मानकर यांनी केली होती. वस्ती भागात वाढलेल्या कोरोना रुग्णांच्या पार्श्वभूमीवर काय उपाय योजना करता येईल यासंदर्भात निर्णय घेण्यासाठी महापालिकेचे अधिकारी, पोलिस व लोकप्रतिनिधींनी केळेवाडी येथे भेट दिली.
महापौर मुरलीधर मोहोळ, डीसीपी पौर्णिमा गायकवड, नगरसेवक दीपक मानकर, छाया मारणे, वैशाली मराठे, वरीष्ठ पोलिस निरिक्षक प्रतिभा जोशी, आरोग्य प्रमुख रामचंद्र हंकारे, सहआयुक्त ज्ञानेश्वर मोळक, उपायुक्त नितीन उदास, सहाय्यक आयुक्त संदीप कदम, अतिक्रमण उपायुक्त माधव जगताप, अविनाश सकपाळ, डॉ. अंजली टिळेकर, विभागीय आरोग्य निरिक्षक राम सोनवणे आदींनी केळेवाडी परिसराची पाहणी केली.
यावेळी महिलांनी रोजगार बंद झाल्याने उपासमारीची वेळ आल्याची तक्रार केली. गरजूंना अन्नधान्याची मदत करण्यात यावी अशी मागणी नगरसेवकांनी केली. पुणे शहरात 70 मायक्रो कंटेनमेंट आहेत. प्रत्येक ठिकाणी अशी सुविधा देणे शक्य नाही. त्यामुळे ही मागणी पूर्ण करता येणे शक्य नाही. दानशूर लोकांनी गरजूंना मदत करण्यासाठी पुढे यावे असे, महापौर मुरलीधर मोहोळ म्हणाले. नगरसेवक मानकर यांनी सांगितले की, वस्ती भागातील लोकांना कोरोना तपासणी करण्यासाठी स्थानिक परिसरातील आरोग्य केंद्रात सुविधा पुरवण्यात यावी. राऊत दवाखान्यात अशी सुविधा उपलब्ध झाली तर ते सर्वांच्या सोयीचे होईल.
कोरोना प्रतिबंधासाठी करण्यात येणाऱ्या उपाययोजना
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.