भारतीतल जेष्ठ पत्रकार रविश कुमार यांनी दोन दिवसांपूर्वी पुणे दौरा केला होता. त्यावेळी त्यांनी पुण्यातील प्रसिद्ध दगडूशेठ गणपतीचे दर्शन घेतले होते. त्यांनी स्वत: पुण्यातील रस्त्यावरील व्हिडिओ शूट करून आपल्या फेसबुक पेजवर टाकला होता. त्यांचा हा व्हिडिओ चांगलाच व्हायरल झाला होता. त्यानंतर आता त्यांचा मराठी बोलतानाचा एक व्हिडिओ व्हायरल होत आहे.

हेही वाचा - Love Jihad: प्रेमाला धर्म आहे...?

दरम्यान, "नमस्कार मित्रांनो मी रविश कुमार, माझ्या मराठी मित्र आणि मैत्रिणींनो, यापुढे माझे युट्यूब चॅनेल तुम्ही नक्की बघा" असं ते मराठीत बोलताना दिसत आहेत. तर या व्हिडिओआधी संत ज्ञानेश्वर यांचा

माझा मराठी बोलू कौतुके

परि अमृतातेहि पैजासी जिंके

ऐसी अक्षरे रसिके

मेळवीन

हा अभंग लिहिलेला आहे.

दरम्यान, सांगा माझी मराठी कशी आहे असं कॅप्शन टाकून हा व्हिडिओ शेअर करण्यात आला आहे. त्यांनी आपल्या इंस्टाग्राम पेजवरून हा व्हिडिओ शेअर केला असून अनेकांनी त्यांच्या या मराठी व्हिडिओवर आपल्या प्रतिक्रिया व्यक्त केल्या आहेत.