कऱ्हाडला रविवारी
चित्रकला स्पर्धा

मलकापूर : आंतरराष्ट्रीय ख्यातीचे व्यंगचित्रकार शिवसेनाप्रमुख (कै.) बाळासाहेब ठाकरे यांच्या जन्मशताब्दीनिमित्त रविवारी (ता. २५) शिवसेनेच्या शास्त्रीनगर शाखेतर्फे व शहीद भगतसिंग युवक क्रीडा मंडळाच्या वतीने चित्रकला स्पर्धा ‘फटकारे २०२६’चे आयोजन केले आहे. सकाळी साडेआठ ते १२ या वेळेत कऱ्हाडच्या आदरणीय पी. डी. पाटील उद्यानात करण्यात आल्याची माहिती नगरसेवक नितीन काशीद यांनी दिली. ते म्हणाले, ‘‘विद्यार्थ्यांतील कलागुणांना वाव देण्यासाठी गेली दहा वर्षांपासून या स्पर्धेचे आयोजन करण्यात येते. इयत्ता पहिली ते दहावीतील विद्यार्थ्यांसाठी तीन गटात ही स्पर्धा आयोजित केली आहे. रोख बक्षिसे, मानचिन्ह व प्रशस्तिपत्र देऊन विजेत्यांना गौरवण्यात येईल. कऱ्हाड शहर व तालुका परिसरातील शाळा, विद्यालयातील विद्यार्थ्यांनी स्पर्धेत सहभागी व्हावे, असे आवाहन आयोजकांनी केले आहे.