कऱ्हाडमध्ये रविवारपासून
रोटरी व्याख्यानमालेस प्रारंभ

मलकापूर, ता. ५ : येथील रोटरी क्लबच्या वतीने सेवाभाव, संस्कार आणि सामाजिक जाणिवेचा जागर घालणारी तिसरी वार्षिक रोटरी व्याख्यानमाला आयोजित केली आहे. रविवारी (ता. ८) व सोमवारी (ता. ९) सायंकाळी साडेसहा वाजता कराड अर्बन बँकेच्या शताब्दी हॉलमध्ये ही व्याख्यानमाला होईल.
(कै.) कोंडिबा चव्हाण व (कै.) फुलाबाई चव्हाण यांच्या स्मरणार्थ ही व्याख्यानमाला होत आहे. रविवारी प्रसिद्ध शिवव्याख्याते प्रशांत देशमुख हे ‘जगणं सुंदर आहे’ या विषयावर विचार मांडतील. सोमवारी प्रसिद्ध कथाकथनकार जयवंत आवटे हे ‘कथाकथन व बरंच काही’ या विषयातून रसिकांना मंत्रमुग्ध करतील. मलकापूर रोटरी क्लबचे अध्यक्ष राहुल जामदार, सचिव विजय दुगुळे, समन्वयक दिलीप संकपाळ, संस्थापक अध्यक्ष विजय चव्हाण, विलासराव पवार यांच्या मार्गदर्शनाखाली या उपक्रमाचे आयोजन केले आहे. व्याख्यानमाला सर्वांसाठी मोफत असून, जास्तीतजास्त नागरिकांनी उपस्थित राहण्याचे आवाहन आयोजकांनी केले आहे.

......‌