Kasba Bypoll Election 2023 : कसबा पेठ पोटनिवडणुकीसंदर्भात मोठी अपडेट समोर आली आहे. भाजपकडून केंद्रीय निवड समितीला पाच नावांचा प्रस्ताव दिला असल्याची माहिती समोर आली आहे. तसेच या यादीत भाजपच्या दिवंगत आमदार मुक्ता टिळक यांच्या कुटुंबातील दोन नाव आहेत.

भाजपकडून देण्यात आलेल्या या पाच जणांच्या यादीत टिळक कुटुंबातील शैलैश टिळक आणि कुणाल टिळक यांच्या नावांचा समावेश आहे. तसेच हेमंत रासने, गणेश बीडकर , धीरज घाटे या नावांचा ही प्रस्ताव दिला गेला आहे. येत्या तीन दिवसांत केंद्रीय निवड समितीकडून निश्चित नावांवर शिक्कामोर्तब होणार असल्याची विश्वसनीय सूत्रांची माहिती आहे.

मतदान कधी आहे?

महाराष्ट्रातील चिंचवड आणि कसबा पेठ विधानसभा मतदारसंघात होणाऱ्या पोटनिवडणुकांसाटी ३१ जानेवारी रोजी अधिसूचना काढली जाणार आहे. त्यानंतर अर्ज दाखल करण्याची अंतिम मुदत ही ७ फेब्रुवारी असेल तर ८ फेब्रुवारी रोजी अर्जांची छाननी केली जाईल. १० फेब्रुवारी ही अर्ज मागे घेण्याची अंतिम मुदत असेल. त्यानंतर २६ फेब्रुवारी रोजी या दोन विधानसभा मतदारसंघांमध्ये मतदान होईल.