Kasba Bypoll Result : भाजपचा बालेकिल्ला असलेल्या कसबा पेठ मतदारसंघामध्ये काँग्रेस उमेदवार रवींद्र धंगेकर यांचा दणदणीत विजय झाला आहे. धंगेकरांना ७२ हजार ५९९ तर भाजप उमेदवार हेमंत रासने यांना ६१ हजार ७७१ मतं मिळाली आहेत. साधारण १० हजार ८०० मतांनी धंगेकर विजयी झाले आहेत. त्यामुळे पुण्यात जल्लोषाचे वातावरण आहे.
रवींद्र धंगेकर यांच्या पत्नी प्रतिभा रविंद्र धंगेकर यांनी जल्लोष साजरा केला. प्रतिभा धंगेकर यांनी कसबा गणपती मंदिरासमोर महिला कार्यकर्त्यांसोबत फुगडी घालून आनंद साजरा केला. १५ वर्षांनी स्वप्न पूर्ण झाले, अशी प्रतिक्रिया यावेळी प्रतिभा धंगेकर यांनी दिली.
रवींद्र धंगेकर हे कसबा पोटनिवडणुकीतील विजयी उमेदवार जाहीर झाल्यानंतर अनेक ठिकाणी जल्लोष साजरा करण्यात येत आहे.
कसबा पेठ मतदार संघात भाजपकडून हेमंत रासने यांना उमेदवारी जाहीर झाल्यानंतर काँग्रेसकडून रवींद्र धंगेकर यांच्या नावाची घोषणा करण्यात आली होती. 'कसब्यातून रासने आणि धंगेकर यांच्यात चुरशीची लढत झाली. या कसबा पोटनिवडणुकीत भाजपला मोठा धक्का बसला आहे. या निकालाचे पडसाद अधिवेशनात देखील उमटले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.