तळेगाव दाभाडे - ‘नगरसेवक हे नगर परिषदेचे मालक नसून विश्वस्त आहेत, याचे भान ठेवून विकासकामे करताना भ्रष्टाचाराला थारा देऊ नये. नागरिकांचा पैसा योग्यरीतीने खर्च करून पारदर्शी काम करण्याची जबाबदारी स्वीकारावी,’’ असे आवाहन आमदार सुनील शेळके यांनी केले.
आमदारपदी निवड झाल्याबद्दल तळेगाव नगर परिषदेतर्फे आयोजित नागरी सत्कारात ते बोलत होते. निवडणुकीपूर्वी नगरसेवक पदाचा राजीनामा दिल्यानंतर घरचा सत्कार स्वीकारताना दोन सहकारी बरोबर घेऊन आलो, याचा अभिमान असल्याचे त्यांनी सांगितले. उपनगराध्यक्ष पदाच्या निवडणुकीत भाजपने स्वार्थापायी बिनविरोध निवडीची परंपरा खंडित केल्याची खंतही त्यांनी व्यक्त केली.
सर्वांना बरोबर घेऊन शहराच्या विकासाचे राजकारण करण्याच्या हेतूने जनसेवा विकास समितीने यापूर्वी भाजपबरोबर सत्तेत सहभाग घेतला. मात्र, याला प्रतिसाद मिळत नसल्यानेच भाजपची साथ सोडल्याचे गणेश खांडगे यांनी या वेळी स्पष्ट केले. या निवडणुकीत तळेगाव शहर सुधारणा समितीला केवळ शहरविकासाच्या मुद्यावर साथ दिल्याचे स्पष्ट केले. प्रास्ताविकात मुख्याधिकारी दीपक झिंजाड यांनी शेळके यांनी नगरसेवक पदापासून सुरुवात करून विधानसभेत गेल्याचा अभिमान असल्याची भावना व्यक्त केली. या वेळी ज्येष्ठ नेत्या सुलोचनाताई आवारे, विरोधी पक्षनेते गणेश काकडे यांच्या हस्ते मानपत्र, शाल व श्रीफळ देऊन शेळके यांचा सत्कार करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.