खडकवासला - धरण साखळी क्षेत्रातील चारही धरणांत मिळून 14.85 टीएमसी (50.93 टक्के) पाणीसाठा झाला आहे. हा पाणीसाठा शहराला किमान 10 महिने पुरेल एवढा आहे; तर शेतीसाठीची तीन आवर्तने पूर्ण होतील.

दरम्यान, आज रविवारी दिवसभरात खडकवासला येथे अवघा एक मिलिमीटर पाऊस पडला; तर पानशेत, वरसगाव व टेमघर धरणात मात्र पाऊसच पडलेला नाही. मागील वर्षीपेक्षा आठ टीएमसी म्हणजे 27 टक्के पाणीसाठा कमी आहे.

खडकवासला धरणात 77, पानशेतमध्ये 56, वरसगाव 45; तर टेमघर येथे 40 टक्के पाणीसाठा जमा झाला आहे.