खडकवासला (पुणे) : पानशेत धरण रविवारी (ता.16) रात्री नऊ वाजता 95 टक्के पाणीसाठा झाला असून खडकवासला धरणाच्या पाठोपाठ आता पानशेत धरणही भरत आले आहे. आज (सोमवारी ता.17) पानशेत धरण 100 टक्के भरणार असल्याने त्याबाबतीत खबरदारी घेण्याच्या सूचना खडकवासला पाटबंधारे विभागाचे कार्यकारी अभियंता विजय पाटील यांनी दोन्ही धरणावरील अधिकारी आणि कर्मचाऱ्यांना दिल्या आहेत.

- मोठी बातमी : पुण्यात कोरोना रुग्णांबाबत नोंदविले गेलेत दोन रेकॉर्ड; वाचा सविस्तर​ 

सध्या पानशेत धरणातील येवा सुमारे सात हजार क्यूसेक आहे. याच वेगाने येवा कायम राहिल्यास आज संध्याकाळपर्यंत धरण शंभर टक्के भरेल. पाऊस असताना शनिवारी बारा तासात तीन टक्केने वाढ झाली होती. रविवारी पाऊस कमी असताना अडीच टक्केने वाढ झाली. त्यामुळे आज रात्रीपर्यंत धरण भरेल, अशी परिस्थिती आहे. म्हणून पानशेत धरणावरील अधिकारी आणि कर्मचाऱ्यांना खबरदारीच्या सूचना दिल्या आहेत. तर पानशेत धरणातून सोडलेला विसर्ग खडकवासला धरणात जमा होत असल्याने खडकवासला येथे ही दक्ष राहण्याच्या सूचना दिल्याचे पाटील यांनी सांगितले. 

- पुणे जिल्ह्यातील नागरिकांनो सतर्क राहा; हवामान विभागानं दिलाय 'ऑरेंज अलर्ट'!​

रविवारी सकाळी सहा ते संध्याकाळी पाच वाजता या अकरा तासांत खडकवासला येथे 2, पानशेत येथे 23, वरसगाव 25, टेमघर येथे 35 मिलिमीटर पाऊस झाला. धरणातील विसर्ग शनिवारी (ता.15) रात्री 16 हजार247 क्यूसेक होता. रविवारी (ता.16) सकाळी सहा वाजता नऊ हजार 350 क्यूसेक होता, तो संध्याकाळी पाच वाजता एवढा दोन हजार 550 क्यूसेक होता. 

नऊ दिवसात नऊ टीएमसीची वाढ :

रविवारी चारही धरणात मिळून 24.44 टीएमसी पाणी जमा झाले आहे. मागील शनिवार 8 ऑगस्ट रोजी या चार धरणात मिळून 16.89 टीएमसी होते. अशा 7.350 टीएमसी पाणी वाढले. तर बुधवार पासून धरणात विसर्ग सुरू केला आहे. रविवारअखेर सव्वा दोन टीएमसी पाणी मुठा नदीत सोडून उजनी धरणात जमा होते. अशा प्रकारे नऊ टीएमसी पाणी जमा झाले. असे खडकवासला पाटबंधारे विभागाचे कार्यकारी अभियंता विजय पाटील यांनी 'सकाळ'शी बोलताना सांगितले.

- ...तर हॉस्पिटलवर कायदेशीर कारवाई करा; उपमुख्यमंत्र्यांनी दिले आदेश​

चार धरणातील एकूण पाणीसाठा : 24.44 टीएमसी (83.86 टक्के)

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)