पुणे : खडकवासला प्रकल्पातील चार धरणांपैकी वरसगाव, पानशेत आणि खडकवासला ही तीन धरणे पूर्ण भरली असून, टेमघर धरणातही सुमारे 90 टक्के पाणीसाठा झाला आहे. या चारही धरणांची उपयुक्त पाणीसाठा क्षमता 29.15 टीएमसी असून, सध्या 28.76 टीएमसी साठा झाला आहे. संपूर्ण प्रकल्प भरण्यासाठी केवळ 0.39 टीएमसी पाण्याची गरज आहे.

ताज्या बातम्यांसाठी डाऊनलोड करा ई-सकाळचे ऍप

खडकवासला धरणातून काल रात्रीपासून विसर्ग वाढविण्यात आला आहे. शनिवारी सकाळी मुठा नदीपात्रात 9 हजार 416 क्‍युसेक आणि कालव्यातून 1054 क्‍युसेकने विसर्ग सुरु आहे. पानशेत धरणातून तीन हजार 908 क्‍युसेक आणि वरसगाव धरणातून दोन हजार 600 क्‍युसेकने विसर्ग सुरू आहे. उजनी धरणही पुढील आठवड्यात भरण्याची शक्यता आहे. उजनी धरणात सध्या 49.48 टीएमसी (92. 36 टक्के) पाणीसाठा झाला आहे. 

भाटघर, नीरा देवघर, वीर, मुळशी, कळमोडी, आंद्रा, आणि नाझरे ही धरणे पूर्ण भरली आहेत. तर, पिंपळगाव जोगे, माणिकडोह आणि विसापूर या धरणांत अद्याप 30 ते 45 टक्केच पाणीसाठा आहे.

जगभरातील इतर बातम्या वाचण्यासाठी येथे क्लिक करा

पाणलोट क्षेत्रात पावसाच्या सरी : 
टेमघर धरणाच्या पाणलोट क्षेत्रामध्ये रात्रीतून 31 मिलिमीटर पाऊस झाला. वरसगाव 23 मिमी, पानशेत 15 मिमी आणि खडकवासला धरणाच्या पाणलोट क्षेत्रात 3 मिमी पावसाची नोंद झाली.

खडकवासला प्रकल्पातील पाणीसाठा टीएमसीमध्ये, कंसात टक्केवारी : 
टेमघर 3.31   (89.34)
वरसगाव 12.82   (100)
पानशेत 10.65     (100)
खडकवासला 1.97  (100)

इतर धरणांतील पाणीसाठा
भामा-आसखेड 6.57     (85.69)
पवना 8.04     (94.45)
मुळशी 18.46   (100)
भाटघर 23.50     (100)
नीरा देवघर 11.73    (100)
वीर 9.41    (100)
उजनी 49.48    (92.36)

देशभरातील इतर बातम्या वाचण्यासाठी येथे क्लिक करा