पुणे : ""ज्या ठिकाणी आम्ही काम करीत होतो, तेथील ठेकेदाराने आमच्याकडे दुर्लक्ष केले. जेवण, अन्नधान्य काहीही दिले नाही. आता पैसेही संपले आहेत. हाताला काम पण नाही. त्यामुळे आता गावी गेल्याशिवाय दुसरा पर्याय नाही. म्हणून आता आम्ही गावी निघालो आहे...'' अशी व्यथा खडकवासला परिसरात मजुरीचे काम करणाऱ्या, पण लॉकडाउनमुळे उपासमार होत असल्यामुळे पुन्हा आपल्या मध्य प्रदेशातील गावाकडे निघालेल्या एका मजुराने मांडली. 

धायरी, नांदेड, किरकिटवाडी, खडकवासला या भागातील सुमारे 250 मजुरांना आज नांदेड सिटी गेटपासून बसद्वारे पुणे स्टेशन येथे नेण्यात आले. तेथून त्यांना रेल्वेद्वारे मध्य प्रदेश येथे पाठविण्यात येणार आहे. लॉकडाउननंतर ठेकेदाराने त्यांच्याकडे दुर्लक्ष केले होते. जेवण व अन्नधान्याची मदत न करता मजुरांना वाऱ्यावर सोडले. त्यातून त्यांची उपासमार सुरू झाली होती.

अरे बाप रे, अद्यापही 68 हजार मजूर पुण्यात अडकलेत 

अशावेळी पोलिस आणि जिल्हा प्रशासनाचे अधिकारी व कर्मचारी या मजुरांच्या मदतीला धावले. खडकवासला भागात अडकून पडलेल्या या परराज्यातील मजुरांना त्यांच्या त्यांच्या राज्यात पाठविण्यासाठी ते दिवस- रात्र काम करीत आहेत. 

आपापल्या गावी परतणाऱ्या मजुरांना येत आहेत अशा अडचणी

याबाबत खडकवासला येथील मंडल अधिकारी रोहिदास जाधव म्हणाले, ""सुमारे 300 मजुरांना मध्य प्रदेशात पाठविण्याची कार्यवाही सुरू आहे. त्यांना येथून बसमधून पुणे स्टेशन येथे नेण्यात येईल. तेथून रेल्वेने मध्य प्रदेशात पाठविण्यात येईल. त्यांच्या जेवणाची पूर्ण काळजी घेतली आहे. शारीरिक अंतर राखण्याच्या नियमाचे काटेकोर पालन करण्यात येत आहे.'' 

पुण्याच्या इतर बातम्या वाचण्यासाठी येथे क्लिक करा 

या वेळी एका मजुराने व्यथा मांडली की, ""ठेकेदाराने आमच्याकडे दुर्लक्ष केले. जेवण, अन्नधान्य काहीही दिले नाही. मात्र, आता पैसे संपले आहेत. काम नाही. त्यामुळे गावी गेल्याशिवाय दुसरा पर्याय नाही. पोलिस, आणि जिल्हा प्रशासनाच्या अधिकाऱ्यांकडून चांगली मदत झाली.''