पुणे : पुणे-नाशिक महामार्गावरील वाहतूक कोंडी सोडविण्यासाठी भूसंपादनाची कामे गतीने पूर्ण करावीत; तसेच जमीनमालकांना भूसंपादनाचा तत्काळ मोबदला द्यावा, अशा सूचना जिल्हाधिकारी नवल किशोर राम यांनी केल्या. 

पुण्यात महिलांच्या स्वच्छतागृहात मिळतोय वडापाव

पुणे-नाशिक महामार्गावर सुरू असलेल्या भूसंपादनाची कामे मार्गी लावण्याबाबत जिल्हाधिकारी राम यांच्या अध्यक्षतेखाली बैठक झाली. खासदार डॉ. अमोल कोल्हे, आमदार अशोक पवार, भूसंपादन समन्वय अधिकारी सारंग कोडलकर, राष्ट्रीय महामार्ग विभागाचे प्रकल्प संचालक सुहास चिटणीस आदी या वेळी उपस्थित होते.

तरुणांनो सावधान! ऑनलाईनच्या जाळ्यात 'ती' तुम्हाला अडकवतेय
 
भूसंपादनाचे गट सुटलेल्या जमीनमालकांचे प्रस्ताव राष्ट्रीय महामार्ग विभागाने भूसंपादन अधिकाऱ्यांकडे लवकर सादर करावेत, अधिकाऱ्यांनी भूसंपादन करून जमीनमालकांना तत्काळ मोबदला द्यावा, या मार्गावरून जाणाऱ्या नागरिकांची गैरसोय टाळण्यासाठी कामे गतीने पूर्ण करावीत, अशा सूचना जिल्हाधिकारी राम यांनी दिल्या. बैठकीला राष्ट्रीय महामार्ग विभागाचे अधिकारी व संबंधित भूसंपादन अधिकारी; तसेच जमीनमालक उपस्थित होते. 

बोहल्यावर चढण्याआधीच नवरदेव पळाला : गिरीश बापट

संपर्क केंद्र सुरू करणार 
भूसंपादनाविषयी जागामालकांच्या समस्या सोडविण्यासाठी प्रत्येक मंगळवारी सकाळी 11 ते दुपारी 4 या वेळेत संवाद साधण्यात येणार आहे. त्यासाठी जिल्हाधिकारी कार्यालयात भूसंपादन समन्वय शाखेत संपर्क केंद्र सुरू करावे, अशी सूचना जिल्हाधिकारी राम यांनी केली. 

रेल्वे तिकिट मोबाईल ॲपवरून काढल्यास पाच टक्‍के सूट

भूसंपादन लवकर करावे : खासदार कोल्हे 
पुणे-नाशिक महामार्गावरील खेड, चाकण, नारायणगाव या ठिकाणची वाहतूक कोंडी टाळणे गरजेचे आहे. या मार्गावरील भूसंपादनाची कामे लवकर झाल्यास रस्त्याचे रुंदीकरण होऊन वाहतूक कोंडी कमी होईल. या मार्गावरून जाणाऱ्या नागरिकांची समस्या लक्षात घेऊन भूसंपादन अधिकारी आणि राष्ट्रीय महामार्ग विभागाच्या अधिकाऱ्यांनी गतीने कामे करावीत, अशी सूचना खासदार डॉ. अमोल कोल्हे यांनी केली.