पुणे : राज्य शासनाच्या उच्च शिक्षणांतर्गत असलेल्या आठ अभ्यासक्रमाच्या सीईटीसाठी अर्ज करण्यास दोन दिवसांची मुदत शिल्लक आहे. ८ जून रोजी मुदत संपणार आहे. या परीक्षा १५ जुलै ते ६आॅगस्ट दरम्यान होणार आहेत.
ताज्या बातम्यांसाठी डाऊनलोड करा ई-सकाळचे ऍप

कोरोनामुळे तीन व पाच वर्षीय विधी अभ्यासक्रम, बीएड, एमएड, बीएस्सी-बीएड, बीए-बीएड, बीपीएड, एमपीएड या अभ्यासक्रमाच्या प्रवेश परीक्षा पुढे ढकलल्या होत्या. 
सीईटी सेलने  या परीक्षांचे सुधारीत वेळपत्रक जाहीर केले आहे. मात्र, अर्ज भरण्यास अडचणी आल्याने मुदतवाढ देण्याची मागणी होत होती. त्या पार्श्‍वभूमीवर आता पुन्हा एकदा मुदतवाढ देण्यात आली असून, त्याची मुदत ८ मे रोजी रात्री संपत आहे, विद्यार्थ्यांनी वेळेत अर्ज करावेत, असे आवाहन राज्य सीईटी सेलने केले आहे.

पुण्याच्या बातम्या वाचण्यासाठी येथे ► क्लिक करा

 प्रवेश परीक्षा व तारीख पुढील प्रमाणे 
बीपीएड - १५ व १६ जुलै
एलएलबी (३ वर्ष) - ६ आॅगस्ट
एमएड - २४ जुलै
बीए बीएड/बीएससी बीएड - २४ जुलै
बी एड/ एमएड- १९ जुलै
एमपीएड - २४ जुलै
बीपीएड - २४ जुलै
एलएलबी (५ वर्ष) -२४ जुलै 

पुणे : धार्मिक स्थळे, शॉपिंग मॉल्स् होणार का सुरु? वाचा सविस्तर!

परीक्षा केंद्र बदलण्यासाठी मुदत
अभियांत्रीकी, औषधनिर्माण व कृषी पदवीच्या प्रवेश परीक्षेसाठी परीक्षा केंद्र बदलून देण्याची मागणी पालक आणि विद्यार्थ्यांनी केली होती. त्यानुसार 'एमएचटी सीईटी २०२०' साठी अर्ज दाखल केलेल्या विद्यार्थ्यांना त्यांचे परीक्षा केंद्र बदलण्यासाठी १० जून रात्री ११.५९ वाजेपर्यंत  मुदत देण्यात आली आहे. 

- '...अन्यथा सरकारला हस्तक्षेप करावा लागेल'; अजित पवारांनी कुणाला दिला इशारा?