पिंपळवंडी : जुन्नर परिसरात बिबट्याचे दर्शन हे अनेकदा नागरिकांना रात्रीच्या वेळी होत असते. उंब्रज येथील गौरव हांडे यांना सोमवारी(ता.१५) दुपारी दोनच्या वेळी उंब्रज जुन्या गावठाण परिसरात बिबट्याचे दर्शन घडले. हांडे हे जुन्या गावठाण परिसरातून जात असताना रस्त्याच्या मध्ये बिबट्या उभा असलेला त्यांना दिसला.

येडगाव धरणाच्या बाजूला असलेल्या या रस्त्याच्या दोन्ही बाजूला उसाची शेती आहे येथे पुर्वी देखील अनेकदा नागरिकांना बिबट्याचे दर्शन झालेले आहे.पिण्यासाठी मुबलक प्रमाणात पाणी व लपण्यासाठी उसाची शेती असल्याने बिबट्याचा येथे नेहमी वावर असतो.जुन्नर परिसरात पाळीव प्राण्यांवर हल्ले वाढलेले आहेत.तसेच काही दिवसांपूर्वी आळे येथे लहान मुलगा बिबट्याच्या हल्ल्यात मृत्युमुखी पडलेला.या रस्त्यावरून जाताना नागरिकांनी काळजी घेणे गरजेचे आहे.