पुणे - इंडियन ऑइल कॉर्पोरेशन लिमिटेडने (आयओसी) एलपीजी सिलिंडरसाठी ‘इंडेन कंपोजिट सिलिंडर’ तयार केले आहेत. सिलिंडरची ही नवी टाकी अर्धपारदर्शक असल्याने ग्राहकांना गॅसची पातळी तपासता येईल. या सिलिंडरमुळे गॅस चोरीसारख्या प्रकारांना आळा बसेल. ही टाकी राज्यात प्रथमच पुण्यात सादर करण्यात आली असल्याचे आयओसी महाराष्ट्राचे कार्यकारी संचालक अनिर्बन घोष यांनी सांगितले.
जिल्ह्यात सुमारे अडीच लाख ग्राहक इंडियन सिलिंडरचा वापर करतात. कंम्पोजिट सिलिंडर वजनाने पाच आणि दहा किलोचा असल्याने तो हाताळण्यास सोयीची आहे. एलपीजी गॅस सिलिंडरच्या जुन्या ग्राहकांना ही नवी टाकी घेता येणार आहे. संबंधित वितरकांकडे संपर्क साधून त्याबाबतची पूर्तता केल्यास नव्या स्वरूपातील सिलिंडर त्यांना उपलब्ध करून देण्यात येणार असल्याचेही घोष म्हणाले.
सिलिंडरची वैशिष्ट्ये...
अर्धपारदर्शक असल्याने गॅस पातळी तपासणे शक्य
सुरक्षित व गंजरोधक
इतर सिलिंडरच्या तुलनेत कमी वजन
५ , १० किलो वजनाचे सिलिंडर उपलब्ध
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.