मांजरी (पुणे) : कोरोना विषाणूमुळे सर्वच क्षेत्रांवर परिणाम झाला आहे. सद्य परिस्थितीला सामोरे जाण्यासाठी पुणे जिल्हा शिक्षण मंडळाने प्राध्यापकांना डिजिटल एलएमएस प्रणालीचे प्रशिक्षण सुरु केले आहे. त्याचाच एक भाग म्हणून येथील अण्णासाहेब मगर महाविद्यालयातील ग्रंथालय विभागाने नुकतेच वेबिनारचे आयोजन केले होते. "वेब रिसोर्स अँड यूज ऑफ टेक्‍नॉलॉजी इनहांचिंग लायब्ररी सर्व्हिस" हा या वेबिनरचा विषय होता. 

पुणेकर खवय्यांसाठी ही महत्त्वाची बातमी; आधी वाचा मग आॅर्डर करा

राष्ट्रीय उच्चस्तर शिक्षण अभियानाचे सल्लागार डॉ. प्रमोद पाब्रेकर, सावित्रीबाई फुले पुणे विद्यापीठातील जयकर नॉलेज रिसोर्स सेंटरचे सहायक ग्रंथपाल डॉ. बी. एम. पानगे, ठाणे येथील जोशी-बेडेकर महाविद्यालयाचे ग्रंथपाल प्रा. एन. एस. बारसे या तज्ज्ञांनी वेबिनारमध्ये मार्गदर्शन केले. त्यामध्ये 'world Wild Web' या वेबसाईटवर उपलब्ध असलेल्या 'e-resources' ची माहिती देण्यात आली. देशभरातील पाचशे ग्रंथपाल व अध्यापकांनी या वेबिनारमधे सहभाग नोंदविला. फेसबुक लाईव्हवरून अभ्यासकांनी लाभ घेतला. 

पुण्याच्या इतर बातम्या वाचण्यासाठी येथे- क्लिक करा

नवतंत्रज्ञानाचा वापर करून ग्रंथालयाच्या सेवा अधिक समृद्ध कशा करता येतील याबद्दल तज्ज्ञांनी मार्गदर्शन केले. या मार्गदर्शनाचा लाभ घेऊन लॉकडाऊनच्या काळात ग्रंथपालांनी नवीन तंत्रज्ञानाद्वारे विद्यार्थी व प्राध्यापकांना जास्तीत जास्त ई-साहित्य उपलब्ध करून द्यावे, असे वेबिनारचे अध्यक्ष व संस्थेचे खजिनदार मोहनराव देशमुख यांनी यावेळी सांगितले. 

पुण्यात नव्या रूग्णांचा आकडा पुन्हा वाढला; दीडशेचा टप्पा ओलांडला

महाविद्यालयाचे प्राचार्य डॉ. पंडित शेळके, ग्रंथपाल व वेबिनारचे समन्वयक प्रा. डी. बी. सांगळे, उपप्राचार्य डॉ. प्रशांत मुळे, डॉ.अनंत माने,डॉ.भाऊसाहेब बेंद्रे, डॉ. आर. पी. जोशी, डॉ. नेहा पाटील, चेतन टाकसाळे यांनी संयोजन केले. संस्थेचे मानद सचिव संदीप कदम, उपाध्यक्ष राजेंद्र घाडगे, सहायक उपसचिव ए. एम. जाधव यांनी मार्गदर्शन केले.