लोणावळा - थर्टी फर्स्टच्या पार्श्‍वभूमीवर अनुचित प्रकार रोखण्यासाठी पर्यटकांचे सर्वाधिक पसंतीचे ठिकाण असलेला लायन्स पॉइंट पर्यटकांसाठी तीन दिवस बंद करण्यात आला आहे. पोलिस प्रशासन आणि वनखात्याने खबरदारीचा उपाय म्हणून हे पाऊल उचलले आहे.

ताज्या बातम्यांसाठी डाऊनलोड करा ई-सकाळचे ऍप

लोणावळ्यातील पर्यटकांचे सर्वाधिक पसंतीचे केंद्र असलेल्या लायन्स पॉइंटवर उघडपणे हुक्का विक्री व सेवन करण्याचे प्रकार सुरू होते. तेथे खुलेआम हुक्‍क्‍याचा ‘धूर’ निघत होता. या बाबत तक्रारी आल्याने सहायक पोलिस अधीक्षक नवनीत काँवत, पोलिस निरीक्षक संदीप घोरपडे यांच्या मार्गदर्शनाखाली लोणावळा ग्रामीण पोलिसांनी दोन वेळा लायन्स पॉइंटवर छापा टाकून हुक्‍क्‍याचे साहित्य जप्त केले. तसेच संबंधितांवर गुन्हे दाखल केले.

मंत्रिमंडळ विस्तारातील 36 नावे जाहीर; पाहा आहेत कोण-कोण?

वनखात्याची मालकी असलेला हा पॉइंट गेल्या काही वर्षांत अनुचित प्रकारांमुळे बदनाम होत आहे. तसेच पोलिस प्रशासनाची डोकेदुखी वाढविणारा ठरत आहे. त्यामुळे गतवर्षीही तो पर्यटकांसाठी बंद ठेवण्यात आला होता. लोणावळा परिसरात एकीकडे पर्यटकांची संख्या रोडावत आहे तर दुसरीकडे अनुचित प्रकारांमुळे पर्यटनस्थळे बदनाम होत आहे. ही महत्त्वाची स्थळे बंद होत असल्याने पर्यटन व्यवसायावर प्रतिकूल परिणाम होण्याची शक्‍यता नाकारता येत नाही. ‘‘गैरप्रकार टाळण्यासाठी तसेच खबरदारी म्हणून लायन्स पॉइंट बंद ठेवण्याचा निर्णय घेण्यात आला,’’असे वनक्षेत्रपाल संजय मारणे यांनी सांगितले.