पुणे - बाबासाहेब आंबेडकर परदेशात शिक्षणासाठी गेले असता त्याकाळात रमामाईंनी अतिशय कष्टाने, धैर्याने घर व कुटुंब सांभाळले. बाबासाहेबांचे शिक्षण अपूर्ण राहू नये, शिक्षणापासून ते विचलित होऊ नये, अशी त्यांची भूमिका होती. राष्ट्रमाता जिजाऊ, सावित्रीबाई फुले आणि रमामाई आंबेडकर या महामातांमध्ये समानतेचा धागा दिसतो तो म्हणजे या महामातांनी महापुरुष घडविले, असे प्रतिपादन रमामाई भीमराव आंबेडकर यांचे नातू भीमराव आंबेडकर यांनी केले. महामाता रमामाई यांच्यावरील साहित्य इंग्रजी भाषेमध्ये आणण्याचा आपला प्रयत्न असल्याचेही त्यांनी नमूद केले.

पुणेकरांनो, सातारा रस्त्यावर आजपासून ‘बीआरटी’

रमामाई आंबेडकर यांच्या १२४ व्या जयंतीचे औचित्य साधून माता रमामाई भीमराव आंबेडकर राष्ट्रीय स्मारक समितीतर्फे रमाई महोत्सवाचे आयोजन करण्यात आले असून, या महोत्सवाचे उद्घाटन बोधीवृक्षाला जल अर्पण करून झाले. हा महोत्सव ७ फेब्रुवारीपर्यंत महामाता रमामाई भीमराव आंबेडकर राष्ट्रीय स्मारक, वाडिया कॉलेजसमोर येथे सायंकाळी ६ ते ८ या वेळात आयोजित करण्यात आला आहे. अ‍ॅड. प्रमोद आडकर महोत्सवाचे अध्यक्ष असून, नगरसेविका लता राजगुरू स्वागताध्यक्ष तर विठ्ठल गायकवाड, मुख्य समन्वयक आहेत. उद्घाटन सोहळ्यास संत साहित्याचे अभ्यासक डॉ. रामचंद्र देखणे, माजी गृहराज्यमंत्री रमेश बागवे, नगरसेवक अविनाश बागवे, कुणाल राजगुरू या वेळी उपस्थित होते.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

अभ्यासकांसमोर अडचणी 
आंबेडकर म्हणाले, ‘‘गुजरात दौऱ्यावर गेलो असता तेथील काही लोकांनी रमामाईंचे साहित्य गुजराती भाषेत नसल्याचे आपल्याला आवर्जून सांगितले. डॉ. बाबासाहेब आंबेडकर यांच्यावर अनेक लोकांनी अभ्यास करून डॉक्टरेट मिळविली. बाबासाहेबांचा अभ्यास करताना रमामाईंविषयी विचार होतो त्या वेळी त्यांच्यावरील साहित्य इतर भाषेत नसल्याने अभ्यासकांसमोर अडचणी येतात. त्यामुळे रमामाईंचे साहित्य विविध भाषांमध्ये आणण्याचा प्रयत्न आहे.’’

Edited By - Prashant Patil