निरगुडसर : ''पहाटे तीन वाजण्याची वेळ. मेंढयांचा ओरडण्याचा आवाज ऐकताच धनगर कुटुंबातील माने दांपत्याला जाग आली आणि मेंढयावर हल्ला करण्यासाठी घुसलेल्या बिबट्याला जोरजोरात आरडाओरडा करून पळवून लावले. यात कोकराचा जीव गेला परंतु, अनेक मेंढ्यांचा जीव वाचला. 
भरधाव वाहनासमोर बिबट्या आला अन्...

दोनशेहून अधिक शेळ्यांचा जीव वाचला पण कोकरू...
वळती (ता. आंबेगाव) येथील घोटेमळ्यात सोमवारी पहाटे ​हा प्रकार घडला. घोटेमळ्यातील नंदाराम नारायण जाधव यांच्या शेतात दोन दिवसांपासून राजू माने आपली पत्नी व दोन मुलांसह (रा. चिखलदरा, जि. नगर) दोनशेहून अधिक शेळ्या व मेंढयांसह मुक्कामी होते. पहाटे तीनच्या सुमारास मेंढ्यांच्या वाड्यावर बिबट्याने हल्ला केल्याने मेंढ्या जोरजोरात ओरडू लागल्या. त्यावेळी माने दांपत्याला जाग आली. त्यांनी बॅटरीच्या उजेडात पाहिले असता बिबट्या मेंढयासाठी सभोवताली लावलेल्या वाघुराच्या आतमध्ये होता आणि त्याने सहा महिन्याच्या कोकराला पकडले होते. त्यावेळी धनगर कुटुंबियांनी आरडाओरडा केल्याने बिबट्या ते कोकरू टाकून उसात पसार झाला. 
Video : कुत्र्याला पळविणारा बिबट्या सीसीटीव्हीत कैद 

बिबट्याने केला होता घोडीवरही हल्ला
शिंगवे येथील पंडीत मळ्यात त्याच दिवशी पहाटे दोनच्या सुमारास गजू म्हस्कू करगळ यांच्या घोडीवर बिबट्याने हल्ला करून ठार मारले. घोडी ओरडल्याने कुटुंबियाला जाग आली. परंतु बिबट्याने अनेक ठिकाणी हल्ले केल्यामुळे घोडीचा मृत्यू झाला. घटनेची माहिती मिळताच वनपाल व्ही. आर. वेलकर, वनरक्षक शिवाजी दहातोंडे, संपत भोर, शरद जाधव, सुनील गांजवे यांनी घटनास्थळी येऊन पंचनामा केला. घोडी ठार झाल्याने संबंधिताचे 35 हजार रुपयांचे नुकसान झाले आहे. या घटनेमुळे परिसरातील शेतकऱ्यांमध्ये भीतीचे वातावरण पसरले आहे. वनविभागाने येथे पिंजरा लावून बिबट्यास जेरबंद करण्याची मागणी शेतकऱ्यांनी केली आहे.